TITUS
Alexanderroman (Johann Hartlieb)
Part No. 202
Previous part

Chapter: 188fg  
Paragraph: 198  
Wie man Frieden ohne Krieg schaffen soll

Line: 4765   Wie man frid mit guͦtem sitten machen sol vnd nit mit streit. CLXXXXVIII


Line: 4766     Wann den fride, den wier haltten, den bestatten vnd vesten wier allain mitt
Line: 4767     guetten sytten vnd nichtt mitt dem streytt. Wann was mitt streytt gewunnen
Line: 4768     wierdt, daz beleybtt nicht statt. Wann so paldt des syges vnd streyttes vergezzenn
Line: 4769     wierdt, so hatt auch die vorchtt enndt. Was aber mitt guetten sytten
Line: 4770     gemachtt vnd geuestentt wierdt, daz wierdt yee lennger, yee peßer vnd vester.
Line: 4771     Wann guett sytten merenn sich voͮn tag zu tag vnd komen in ain solleiche
Line: 4772     guette gewonhaitt, daz sy vnczerprochen sindt. Daz ist dier, Alexander, nichtt,
Line: 4773     wann du pist ain hawffer vnd samler alles vbels vnd poßer syttenn. Wann alles,
Line: 4774     daz du czerstorett hast, asyam, indiam, lybiam vnd darczue manig annder statt
Line: 4775     vnd kunigkreich, daz hast du nichtt gethann dann mitt streytt. Darumb mag
Line: 4776     dein reich nichtt lang geweren. Seydt du ain tottleicher mensch pist, so thuest
Page: 247  Line: 4777     du gar vnrechtt, wann du maynnest, die sunne sullee furchtten die deinen
Line: 4778     wappnärn vnd die erde sulle czyttern vor deinem groͮßenn gewaltt. Du verczerest
Line: 4779     alle werltt vnd pist doch allczeitt hungrig. Was hilfft dich, daz du so vil
Line: 4780     lanndt vnd lewtt beczwungen hast vnd doch nynndertt ersatt werden magst.
Line: 4781     Du hast gar vil miltter vnd genuegiger kunig zu neyd, hochfartt vnd geyttigkaytt
Line: 4782     genaygett vnd mitt deinem poßen ebenpilde geschickett. Wann maniger
Line: 4783     kunig vor sich an dem seinen hiett benuegen lazzen, der wierdt nun nach
Line: 4784     deinen sytten dem nachsten auch thuenn, als du yecz yederman thuest. Du hast
Line: 4785     gar viel freyer lewtt prachtt in diennstparigkaitt vnd die enttwerett irer großen
Line: 4786     herschafft, der sy gar lang gepflegen vnd geprauchtt haben. Du hast manigen
Line: 4787     edeln vnd tugenttreichen kunig berawbtt seiner guett vnd milttigkaitt, wann
Line: 4788     ettleicher gern den duerfftigen hilff vnd gab thätt, so hast du gemachtt, daz er
Line: 4789     nichtt mag. Du gepewttest aller werltt vnd willt sy gewelttigen, du magst aber
Line: 4790     nichtt gewelttigen die weyßhaitt der pragmannorum, wann du begerst ir
Line: 4791     nichtt. Darumb mag sy dier nichtt wesen vnderthan.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.