TITUS
Alexanderroman (Johann Hartlieb)
Part No. 330
Previous part

Chapter: 286j  
Paragraph: 322  
Wie viele Länder Alexander den Kriechen unterworfen hat

Line: 7294   Wie vil künigkreich er den kriechen het vndertaun vnd gehorsam gemacht. CCCXXII


Line: 7295     Er hett zu dem lanndt macedo beczwungen sybenunddreyssigk kunigkreich,
Line: 7296     die kclagten alle gar vast iren herrenn. Der selben lanndt vnd kunigkreich
Line: 7297     kaines belayb seinen kchinden, noch seinem weybe Roxam; sy komen alle in
Line: 7298     gross iamer vnd layde. Daz geschach alles durch daz poss wortt, daz da Roxa
Line: 7299     erlanngtt hett in irer vnstätt. O alle gotter, habtt mittleyden, daz alle kindt
Line: 7300     Alexanders muesten verellendten vnd arm werdenn durch ainen kchlainen lust,
Line: 7301     den Roxa hett mitt froͮmbder mynne vnd was doch wol war, daz ettleiche kindt
Line: 7302     Alexannders waren. Aber daz rechtt kchindt muest des vnrechtten engeltten.
Line: 7303     Also wuerden alle kchinder Allexannders verellendt durch den poßen lewmdenn,
Line: 7304     den sein gemachel, die er in ganczen trewen liebe hett, mitt der vnstätt
Line: 7305     vnd falscher mynne erlangt hett. Sunder ain sein erst gepornen sun namen die
Line: 7306     kchriechen vnd fuertten in in macedo. Wieuil lewtt nach dem tode Alexanders
Line: 7307     erschlagen wuerden vnd wiee allee lanndt betrubtt wuerden, darumb, daz
Line: 7308     zweyffel was an den rechtten kchinden Alexannders, daz findett man in den
Line: 7309     puechern, die dann sagen von der zerstorung der landt.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.