TITUS
Ulrich von Eschenbach, Alexander
Part No. 55
Previous part

Chapter: 74c  
Rede der Fortuna


Verse: 6421       der hêrren clage und ouch ir wort
Verse: 6422    Fortûna in den lüften hôrt

Verse: 6423    die rede, die gegen ir wart getân.
Verse: 6424    ein lützel lachen sie began

Verse: 6425    gegen dem volke, daʒ mit jâmer ranc.
Verse: 6426    sie sprach 'die werlt ist harte kranc

Verse: 6427    an wîsheit sie ist entnihtet.
Verse: 6428    ieslîcher ûf mich tihtet

Verse: 6429    scheltwort, als im sîn tôrheit giht,
Verse: 6430    wen er mich bî im niht stæte siht,

Verse: 6431    alsô daʒ eʒ nâch willen im ergê.
Verse: 6432    ist im wol gewesen ê,

Verse: 6433    als schiere sich daʒ verkêret,
Verse: 6434    sînen haʒ er gegen mir mêret,

Verse: 6435    er biutet mir sîn unminnen.
Verse: 6436    wil er sich des niht versinnen

Verse: 6437    daʒ ich alsô genatûret bin,
Verse: 6438    iezunt her, iezunt hin,

Verse: 6439    iezunt trûric, schiere frô?
Verse: 6440    mîn ordenunge stêt alsô,

Verse: 6441    ich mac niht stæte blîben,
Verse: 6442    ich muoʒ der werlde schîben

Verse: 6443    trîben her unde dar:
Verse: 6444    alsô sol man mîn nemen war.

Verse: 6445    ob ich stæte wielde,
Verse: 6446    den namen ich niht behielde

Verse: 6447    gelücke, als man mich nennet.
Verse: 6448    in unstæte man mich erkennet.

Verse: 6449    dem mîn milde rîcheit giht,
Verse: 6450    in des hulden man mich siht;

Verse: 6451    swenne ich mich wandel gegen im
Verse: 6452    und im daʒ guot abe nim

Verse: 6453    und sîn hœhe nider drücke,
Verse: 6454    sô nennet er mich ungelücke.

Verse: 6455    alzehant sô schilt er mich,
Verse: 6456    an mir mit worten unêrt er sich.

Verse: 6457    des ich alles wære frî,
Verse: 6458    wær ich der werlt mit stæte bî.

Verse: 6459    des enmac et niht geschehen.
Verse: 6460    man sol mich imer unstæte sehen.'




Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.