TITUS
Alexanderroman (Wernigeroder Handschrift)
Part No. 102
Previous part

Chapter: 249  
Ein goldener Palast


Verse: 4627    Dar nach zoch der fürst reich
Verse: 4628    Den perg hin ab snellicleich

Verse: 4629    Und zoch zu ainem gepirg,
Verse: 4630    Daz waz so wild und ungehirg,

Verse: 4631    Uber daz kain mensche nye
Verse: 4632    Köm noch nymmer kompt ie.

Verse: 4633    Dar zoch er dreistund dreißig tag
Verse: 4634    Zu der gelincken hant slag

Verse: 4635    Und zoch da hin gen orient,
Verse: 4636    Da die sün sich auf went.

Verse: 4637    Da vand er ainen perg stann,
Verse: 4638    Der mit guldein kethen schön

Verse: 4639    Waz geleich umb geben.
Verse: 4640    Die stapffeln die man eben

Verse: 4641    Solt auf den perg gan,
Verse: 4642    Die müsten also sein getann

Verse: 4643    Von edelm sapheir rain
Verse: 4644    Grözz und auch die clain.

Verse: 4645    Ez waz auch kain weg mer
Verse: 4646    Hin auf dann allain der.

Verse: 4647    Nider pey dem perg
Verse: 4648    Hiez er sich gar gederb

Verse: 4649    Daz volk slachen nider:
Verse: 4650    'Seit uns die götter sieder

Verse: 4651    ,Habent braht all hër,
Verse: 4652    So ist daz unser ger

Verse: 4653    Daz wir hin sullen gan
Verse: 4654    Und schawen wie ez sey getann.'

Verse: 4655    Er nam mit im die fursten sein
Verse: 4656    Und trat an die stapffel vein:

Verse: 4657    Fünf hundert warn ir on der zäl,
Verse: 4658    Weit, größ und nit smäl.

Verse: 4659    Da sie auch komen gar
Verse: 4660    Hin auf, sie nament war

Verse: 4661    Ains balastes, der von gold reich
Verse: 4662    Waz gemacht maisterleich.

Verse: 4663    Zwelf tür gingent hin ein,
Verse: 4664    Als von gold und stain fein.

Verse: 4665    Da sie in den palast kömen
Verse: 4666    Und die größen zierd vernomen,

Verse: 4667    Daz waz so kostenlich und so reich
Verse: 4668    Daz man dez geleich

Verse: 4669    In aller werlt nit vinden kän.
Verse: 4670    Sibenczig fenster sach man gan

Verse: 4671    In den tempel rain.
Verse: 4672    Er waz mit solhem gestain

Verse: 4673    Gemacht und geziert,
Verse: 4674    Gedrejet und geviert,

Verse: 4675    Daz nymmant da von sag
Verse: 4676    Haben kan noch en mag:

Verse: 4677    Golt waz daz minst dor an.
Verse: 4678    Sie gingent auz dem tempel san

Verse: 4679    In ainen weingarten
Verse: 4680    Als schonen und als zärten

Verse: 4681    Als in kain mensch ye gesach.
Verse: 4682    Die trüben die man dor an sach,

Verse: 4683    Waz eytel edel gestain
Verse: 4684    Grozz und auch clain.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.