TITUS
Alexanderroman (Wernigeroder Handschrift)
Part No. 103
Previous part

Chapter: 249a  
Ein königlich gekleideter Mann


Verse: 4685    Da sie die zierd sachen an,
Verse: 4686    Ze stund köm ein reylich män

Verse: 4687    Gegangen gen in her:
Verse: 4688    Künicklich geclait waz er,

Verse: 4689    Reylich gröz an der përson,
Verse: 4690    Sein part sneweiß schon.

Verse: 4691    Da Allexander sein gewar
Verse: 4692    Ward, mit den seinen ging er dar

Verse: 4693    Und viel im nider an den füß :
Verse: 4694    Da mit tet er im seinen grüß.

Verse: 4695    Ez sprach zu im der alt man:
Verse: 4696    'Allexander von Macedon,

Verse: 4697    Dü wirst alhie sechen,
Verse: 4698    Mit deinen sinnen spechen,

Verse: 4699    Daz kain mensch gesach nÿ.'
Verse: 4700    Allexander sprach: 'her, wie

Verse: 4701    Hast du mich so reht genant?
Verse: 4702    Wer hat mich dir bekant

Verse: 4703    Getan?' do sprach zu im der greiß:
Verse: 4704    'Ge dann mit mir vil leiß,

Verse: 4705    Ich für, da dir bekendet
Verse: 4706    Wirt wie dein leben endet

Verse: 4707    Und wann und wie du sterben
Verse: 4708    Müst und auch verderben.'

Verse: 4709    Allexander der reich
Verse: 4710    Sprach gar geczogenleich

Verse: 4711    Zu dem alten herren:
Verse: 4712    'Mein frëud die wil sich meren,

Verse: 4713    Sol ich solich wunder spëhen.'
Verse: 4714    Er sprach: 'du sein gesechen

Verse: 4715    Maht nit in disem schein:
Verse: 4716    Tu ab daz golt fein

Verse: 4717    Und daz edel gestain.
Verse: 4718    Ich sprich war, nit nain,

Verse: 4719    Du müst diemutigen dich,
Verse: 4720    Wilt du ez sehen, sprich ich.'--

Verse: 4721    'Ich tün gern waz ir
Verse: 4722    Gepitent sicherlichen mir,'

Verse: 4723    Sprach der künig sa.
Verse: 4724    Mit im nam er da

Verse: 4725    Zwenn der seinen fürsten
Verse: 4726    Der hersten und der türsten:

Verse: 4727    Der ain hiez Antiochus,
Verse: 4728    Der ander Pertholomeus.

Verse: 4729    Also nam sie der alt man
Verse: 4730    Und fürt die drei mit im dan

Verse: 4731    In ainen großen walt,
Verse: 4732    Dar ynnen paümen manigfalt

Verse: 4733    Sach man in die lüft gan,
Verse: 4734    Dorauf man weyraüch sach stan

Verse: 4735    Und ander würcz reich,
Verse: 4736    Der smak so süzzicleich

Verse: 4737    Begund vast rächen.
Verse: 4738    Auß paümen troufen

Verse: 4739    Sach man opobalsamus,
Verse: 4740    Daz als köstlich ist suzz

Verse: 4741    Daz ich da von nit reden kan.
Verse: 4742    Die paüm waren von dem stam

Verse: 4743    Mer denn hundert schüch höch.



Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.