TITUS
Alexanderroman (Wernigeroder Handschrift)
Part No. 108
Previous part

Chapter: 185  
Die Götterhöhle


Verse: 5380    Da nam er von der frawen

Verse: 5381    Urlaub und kert von dannen
Verse: 5382    Und mit im Candeolan.

Verse: 5383    Dar nach etwie mangen tag
Verse: 5384    Nach der abenteür sag

Verse: 5385    Koment sie in ain hollen stain.
Verse: 5386    'Ich sag war on allez nain,'

Verse: 5387    Sprach zu im Candeolus,
Verse: 5388    'Dicz ist ain heilige stat alsus,

Verse: 5389    Die gotter koment oft zu rat
Verse: 5390    Hie,' sprach er. zu stund vil drat

Verse: 5391    Gieng Allexander hin ein.
Verse: 5392    Da sach er ainen lichten schein,

Verse: 5393    Reht als leüht daz firmament,
Verse: 5394    Daz man auch den himel nent,

Verse: 5395    Dar an die stern gelasten
Verse: 5396    Schön und hart vaste.

Verse: 5397    Dar ynn saz ain großer got,
Verse: 5398    Zway hundert augen one spöt

Verse: 5399    Er het. do er in angeblikt,
Verse: 5400    Vor förht er hinder sich genikt

Verse: 5401    Und wolt geflohen sein von dan.
Verse: 5402    Der got in grußen began

Verse: 5403    Zu hant, und sprach Allexander:
Verse: 5404    'Her mein, sagt mir wer

Verse: 5405    Ir seit und ewr namen.'--
Verse: 5406    'Dez wil ich mich nit schamen,'

Verse: 5407    Er sprach, 'ich haiz Sinthys,
Verse: 5408    Der got der alle reich vil gewiß

Verse: 5409    Richt und hat in seiner hant.
Verse: 5410    Du solt auch von mir sein gemant.

Verse: 5411    Du hast dir ain stat erpawen
Verse: 5412    Allexandriam von newem

Verse: 5413    Und hast mein da nit gedöht
Verse: 5414    In kainen eren. dez versmaht

Verse: 5415    Mir daz du kain tempel mir
Verse: 5416    Gemalet hast, daz sag ich dir.'

Verse: 5417    Zu hant sprach Allexander:
Verse: 5418    'Ich han nit gewist ewren namen, her.

Verse: 5419    Sagt mir ob ich kom wider haim:
Verse: 5420    Ich erpaw ainen tempel rain

Verse: 5421    Euch, dez geleich nit ist
Verse: 5422    In der werlt, in kürczer frist.'

Verse: 5423    Der got sprach do zu im:
Verse: 5424    'Ich sag dir, mich vernym.

Verse: 5425    Du kanst nymmer haim kömen,
Verse: 5426    Dir werd daz leben e benomen.

Verse: 5427    Doch gang her ein paz!
Verse: 5428    Man sagt dir aber fürpaz.'

Verse: 5429    Er tet als in hiez der göt
Verse: 5430    Und trat hin ein one spöt.

Verse: 5431    Da saz in ainem großen schein
Verse: 5432    Ain got, den pat er sagen sein

Verse: 5433    Im wie er sich nant.
Verse: 5434    Er sprach: 'ich solt dir wol bekant

Verse: 5435    Sein: daz du in Libia
Verse: 5436    Werd, do sagt ich dir iesa

Verse: 5437    Daz du nit mohtest leben lang
Verse: 5438    Und müßest sterben vil strang.

Verse: 5439    Doch solt du wißen vil gewiß
Verse: 5440    Daz ich haizz Serapis.'

Verse: 5441    Allexander sprach: 'sag mir
Verse: 5442    Dez ich beger von dir,

Verse: 5443    Von wem ich mein leben
Verse: 5444    Enden müß und auf geben.' --

Verse: 5445    'Dez pit nit,' sprach der got,
Verse: 5446    'Wann ez ist gar ain spöt,

Verse: 5447    Ez wirt dir nymmer kunt getan
Verse: 5448    Von dem du dein leben lann

Verse: 5449    Müst. doch sag ich
Verse: 5450    Dir daz dir ain grab reylich

Verse: 5451    Gemacht wirt zu Allexandrei,
Verse: 5452    Da noch manger künig bey

Verse: 5453    Wirt sein zeit vertreiben.
Verse: 5454    Nit lenger solt du beleiben

Verse: 5455    Und schaid von hinen hin.
Verse: 5456    Du solt deinen sin

Verse: 5457    Richten dor noch so:
Verse: 5458    Du höst doch nit ymmer jo

Verse: 5459    Dise leut nöch land:
Verse: 5460    Kürczlich so wirt gewand

Verse: 5461    Von dir manig reych.'
Verse: 5462    Dannen schied er zühticleich

Verse: 5463    Und vand Candeolüm da.
Verse: 5464    Urlaub nam er von im sa

Verse: 5465    Und kert zu den seinen hin:
Verse: 5466    Die warnd frö daz sie in

Verse: 5467    Sachent frolich und gesünt.



Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.