TITUS
Alexanderroman (Wernigeroder Handschrift)
Part No. 110
Previous part

Chapter: 229  
Gefährliche Wasserfrauen


Verse: 5477    Er zoch aber fürpaz.
Verse: 5478    Als ich an dem puch laz,

Verse: 5479    Er köm zu ainem waßer größ,
Verse: 5480    Daz sich weit aüz döß.

Verse: 5481    An der preit zweinczig meil
Verse: 5482    Het daz waßer in der zeil

Verse: 5483    Und waz mit rör verwachsen gar
Verse: 5484    Daz nymmant möht hin uber zwar.

Verse: 5485    In dem waßer wütten weib:
Verse: 5486    Sne weiß so waz ir leib,

Verse: 5487    Hend, fuzz und langes har,
Verse: 5488    Und sagt daz lantfolk für wär,

Verse: 5489    Wann daz ain swinder män
Verse: 5490    Köm ymmer in daz waßer, dan

Verse: 5491    Ze stünd fürten sie in
Verse: 5492    Mit in dürch daz waßer hin

Verse: 5493    Und tünt im mangen süzzen küß
Verse: 5494    Trücken, halsen, da mit süzz

Verse: 5495    Sie raiczten zu der myn in,
Verse: 5496    Daz er müß dan sein synn

Verse: 5497    Geben in den yren gewalt
Verse: 5498    Mit solhem gelüst, do von er alt

Verse: 5499    Nit werden mag noch lang leben
Verse: 5500    Mein diener begünden streben,

Verse: 5501    Wie sie ymmer gedöhten,
Verse: 5502    Ob sie sie vachen möchten:

Verse: 5503    Do würden in der töchter zwü,
Verse: 5504    Und da man sie mir zü

Verse: 5505    Braht, ez nam mich wunder gar
Verse: 5506    Daz sie so sneweiß var

Verse: 5507    Warnd an dem leib:
Verse: 5508    Ich gesach ny solich weib.

Verse: 5509    Die zenn in yrem münd
Verse: 5510    Warnd als aim hünd

Verse: 5511    Lang und auch größ.
Verse: 5512    Ich gesach nÿ ir genoß.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.