TITUS
Alexanderroman (Wernigeroder Handschrift)
Part No. 111
Previous part

Chapter: 149  
Gog und Magog


Verse: 5513    Allexander zoch zu hant
Verse: 5514    Da ist volk, daz genant

Verse: 5515    Ist der helle kint.
Verse: 5516    Die leut unmenschlich sind

Verse: 5517    Und lebent als daz vich
Verse: 5518    Mit manger hand vichlich.

Verse: 5519    Sie eßent flaisch raüch,
Verse: 5520    Als ich an dem paüch

Verse: 5521    Hann gehört und gelesen.
Verse: 5522    Dez volks ist also vil gewesen

Verse: 5523    Daz Allexander der güt
Verse: 5524    Förht und dauht in seinem müt,

Verse: 5525    Und dez volks sïtt këm
Verse: 5526    In die werlt, daz dan nem

Verse: 5527    Die werlt schaden größ
Verse: 5528    Da von. dor umb er sie beslöz

Verse: 5529    In dem land: daz waz getan.
Verse: 5530    Ain grözz gepirg dar umb gän

Verse: 5531    Sach man on allen örten:
Verse: 5532    Ains heißet Caspia porten.

Verse: 5533    Da ging hin ein ain enger weg,
Verse: 5534    Den macht der künig mit solher pfleg

Verse: 5535    Daz nymmant mag hin ein komen.
Verse: 5536    Mit zauber künst, han ich vernomen,

Verse: 5537    Beslözz er manigen künig hër
Verse: 5538    Zwainczig und zwaier mer,

Verse: 5539    Die piz an den jungsten tag
Verse: 5540    Da beleiben müßen nach der sag.

Verse: 5541    Daz volk und auch daz land
Verse: 5542    Gög und Magög sind genand,

Verse: 5543    Da von die heilig geschrift sagt
Verse: 5544    Vil, der sie bejagt

Verse: 5545    Und list, da ez geschriben stat
Verse: 5546    Mer dan ez sein hie hat.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.