TITUS
Alexanderroman (Wernigeroder Handschrift)
Part No. 113
Previous part

Chapter: 261  
Der Greifenflug


Verse: 5567    Von dannen schied der gemait
Verse: 5568    Und zoch sechczig tagwait.

Verse: 5569    Da köm er an daz Rot mër
Verse: 5570    Mit allem seinen her.

Verse: 5571    Da waz ain perg unmößen höch,
Verse: 5572    Der sich in die luft zöch.

Verse: 5573    Dor auf gieng der künig güt
Verse: 5574    Und gedaht in seinem müt

Verse: 5575    Wie er höher würd erkänt
Verse: 5576    Dann kainer der ye genänt

Verse: 5577    Würd in aller der werlt gemain.
Verse: 5578    Dar nach gieng er sain

Verse: 5579    Den perg wider ab ze tall
Verse: 5580    Und hiez im bringen uber äll

Verse: 5581    Maister, die mit eysen
Verse: 5582    Würcken künden. die weisen,

Verse: 5583    Als man sie dan vinden künd,
Verse: 5584    Die komen do zu stünd.

Verse: 5585    Er sprach zu in: 'ir machet mir
Verse: 5586    Ain wagen nach meines herczen gir

Verse: 5587    Vest und auch güt.'
Verse: 5588    'Her, nach ewrem müt

Verse: 5589    Sol ez von uns geschechen,
Verse: 5590    ' Die maister so begunden jehen.

Verse: 5591    Do daz werk volbraht
Verse: 5592    Ward als er het gedäht,

Verse: 5593    Zu hant er hiez bringen
Verse: 5594    Vier greyffen, die mit grymen

Verse: 5595    Hunger heten ser.
Verse: 5596    Die hiez binden der hër

Verse: 5597    An den wagen schier
Verse: 5598    An die ört vier.

Verse: 5599    Auf den wagen er sazz,
Verse: 5600    An ainer stang ain azz

Verse: 5601    Hiez er pinden höch,
Verse: 5602    Zu oberst auf die stang mans zoch.

Verse: 5603    Auf den wagen er do säzz.
Verse: 5604    Da die greiffen daz azz

Verse: 5605    Sachen in den lüften,
Verse: 5606    Sie begunden güften

Verse: 5607    Zu stünd noch der speiß
Verse: 5608    Und flugent auf vil leiß

Verse: 5609    In dem luft vil verr.
Verse: 5610    Da sach umb sich der her:

Verse: 5611    Daz ertrich dauht in als klain
Verse: 5612    Gen dem waßer als ain

Verse: 5613    Bon gen ainem perge grözz.
Verse: 5614    Zu allen enden auch flozz

Verse: 5615    Daz waßer umb die erd,
Verse: 5616    Reht als ain zirckel weit

Verse: 5617    Hat ez die erd umb fangen.
Verse: 5618    Die Gothait ward belangen

Verse: 5619    Der hoffart und dez ubermücz,
Verse: 5620    Die er mit solhem trücz

Verse: 5621    Ymmer torst bedencken.
Verse: 5622    Ze stund begund sie lencken

Verse: 5623    Yren zorn wider in
Verse: 5624    Und schickt auf die greiffen hin

Verse: 5625    Von hicz ain solhen rauch
Verse: 5626    Daz in her ab ward vil gach.

Verse: 5627    So kom gesunt Allexandrus
Verse: 5628    Auf ain weit feld. alsus

Verse: 5629    Tet Got mit im wunder vil
Verse: 5630    Und mer als ich gelauben wil

Verse: 5631    Er ye getet mit kainem man
Verse: 5632    In solhen jorn, als ich hon

Verse: 5633    Gelesen. Allexander
Verse: 5634    Yn zehen jarn und mer

Verse: 5635    Zwayer jar ward er gemain
Verse: 5636    Aller werlt her allain.

Verse: 5637    Waz daz nit ain wunder größ
Verse: 5638    Daz ez die Gotheit nit verdrozz

Verse: 5639    Daz er im ie so hoch gedaht?



Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.