TITUS
Alexanderroman (Wernigeroder Handschrift)
Part No. 114
Previous part

Chapter: 262  
Die Tauchfahrt


Verse: 5640    Da dicz von im volbraht

Verse: 5641    Ward, ze stund tet er bedencken
Verse: 5642    Und in den synnen lencken:

Verse: 5643    'Seit ich in dem lüft
Verse: 5644    Pin gewesen und gegüft

Verse: 5645    Hann uber all die werlt,
Verse: 5646    Waz ez nü dar nach gelt,

Verse: 5647    Ich müß beschawen wunder
Verse: 5648    Yn dem merr die künder.'

Verse: 5649    Dar umb zu stund gebot er
Verse: 5650    Daz man im präht her

Verse: 5651    Maister, die mit gläz
Verse: 5652    Werckten im waz

Verse: 5653    Er sie hiez. daz geschach,
Verse: 5654    Und ret zu in und jach:

Verse: 5655    'Macht mir mit ewr künst
Verse: 5656    Ain glaz, dar yn ich sünst

Verse: 5657    Müg in daz mer gefarn.
Verse: 5658    Yr sult ez wol bewarn

Verse: 5659    Mit stahel und mit eysen.'
Verse: 5660    'Gern,' sprachent die weisen.

Verse: 5661    Und daz ez genczlich volbraht
Verse: 5662    Werd nach dem als er hat gedäht,

Verse: 5663    Er für auf dez merres flüt
Verse: 5664    Und mit im sein ritter güt.

Verse: 5665    Zu stund er in daz glaz gesazz
Verse: 5666    Und hiez die maister daz sie daz

Verse: 5667    Mit pech wol beranten.
Verse: 5668    Die seinen er do mante,

Verse: 5669    Wann er ain stund wer nider,
Verse: 5670    Daz sie in dann wider

Verse: 5671    Zugent pald her auf.
Verse: 5672    Sie teten als er schüf.

Verse: 5673    An ainer kethen größ
Verse: 5674    Man in in daz waßer schözz.

Verse: 5675    Da sach er grözz wunder
Verse: 5676    Von vischen und von künder

Verse: 5677    In manger varb schein,
Verse: 5678    Als ich on dem puchlein

Verse: 5679    Lazz, ains ainem menschen geleich,
Verse: 5680    Daz ander daz waz vichleich,

Verse: 5681    Zwenn füzz oder vier:
Verse: 5682    Reht als auf der erd die tyer

Verse: 5683    Sind, dar nach pildet ez sich
Verse: 5684    Yn dem mer wunderlich.

Verse: 5685    Dar ynnen sind perg und tal
Verse: 5686    Und groß paümen on zäl,

Verse: 5687    Dor auf wunderliche frücht
Verse: 5688    Wechst: auz der selben sücht

Verse: 5689    Die visch nement ir speis.
Verse: 5690    Kainer ward nÿ so weyß

Verse: 5691    Der gar volschreiben möcht
Verse: 5692    Daz wunder noch endöht,

Verse: 5693    Wann ez nit gelaubig ist.
Verse: 5694    Sie zugent in do an der frist

Verse: 5695    Mit den kethen her zu in.
Verse: 5696    Daz waz im ain grozz gewin

Verse: 5697    Daz er lebendig belaib.
Verse: 5698    Allexander do schraib

Verse: 5699    Die wunder durch gedehtnüß sein



Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.