TITUS
Alexanderroman (Wernigeroder Handschrift)
Part No. 119
Previous part

Chapter: 266  
Aristoteles' Brief an Alexander


Verse: 5783    Da Aristotiles vernam
Verse: 5784    Die potschaft, als sie im da köm,

Verse: 5785    Hin wider schraib er im ze hant:
Verse: 5786    'Künig der künig uber alle lant

Verse: 5787    Und her der hern all gemain,
Verse: 5788    Dir enpeut on alles nain

Verse: 5789    Aristotiles dein kneht
Verse: 5790    Dinst, als pillich und reht

Verse: 5791    Ist. ich pin von herczen frö
Verse: 5792    Daz ez dir ist also

Verse: 5793    Ergangen gar noch hail:
Verse: 5794    Dez pin ich ze mal gayl

Verse: 5795    Und erschrocken in mir.
Verse: 5796    Wa von daz sey, daz sag ich dir.

Verse: 5797    Daz du als vil versucht und gesehen
Verse: 5798    -------------------

Verse: 5799    -------------------
Verse: 5800    Hast. doch wil ich jehen

Verse: 5801    Daz ez on Got nit mag gesein:
Verse: 5802    Daz sprich ich auf die trewe mein,

Verse: 5803    Wann ez ist gar unmüglich
Verse: 5804    Solhe sach ze tun sicherlich

Verse: 5805    Ainem menschen der tötlich ist,
Verse: 5806    Ob in Got nit dar zu frist.

Verse: 5807    Dar umb sag ich dem dank
Verse: 5808    Der alle dise werlt on allen wank

Verse: 5809    Geschaffen hat und aufenthalt,
Verse: 5810    Daz dir nymmant mit gewalt

Verse: 5811    Ist in den sachen ob gelegen.
Verse: 5812    Gelucke müß auch der pflegen

Verse: 5813    Die ez hand geholffen dir.
Verse: 5814    Rat und hilf in, volg mir,

Verse: 5815    Ymmer mer hynnan für:
Verse: 5816    Dar an ich dein weishait spür,

Verse: 5817    Wann sie vil arbait durch dich
Verse: 5818    Erlieden habend sicherlich.'




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.