TITUS
Alexanderroman (Wernigeroder Handschrift)
Part No. 120
Previous part

Chapter: 267  
Alexander läßt einen Thron machen


Verse: 5819    Do Allexander also gesazz
Verse: 5820    Und in ym selber genazz daz

Verse: 5821    Sein gewalt wer also grözz
Verse: 5822    Daz nyndert lebt sein genöß,

Verse: 5823    Er enwest wie er gebare
Verse: 5824    Solt in seinem jare,

Verse: 5825    So höh waz im der müt.
Verse: 5826    Er hiez im bringen maister güt

Verse: 5827    Und sprach zu in: 'ich wil daz ir
Verse: 5828    Ainen trün erbawet mir,

Verse: 5829    Dez geleich in aller der werlt nit sey,
Verse: 5830    Golt, stain, edel holcz da bey

Verse: 5830a    Ez ist wider die natür
Verse: 5830b    Und wider menschlich figür

Verse: 5831    Und alles daz man haben sol,
Verse: 5832    Daz der trön erbawen wöl

Verse: 5833    Werd, als er mir geczemen müg
Verse: 5834    Aller past und auch tüg

Verse: 5835    Mir, als ich her allain
Verse: 5836    Pin in diser werlt gemain.

Verse: 5837    Dar umb sol er erbawen sein
Verse: 5838    Von gestain und golt fein

Verse: 5839    Dez pesten so mans vinden kan.'
Verse: 5840    Also hubent die maister an

Verse: 5841    Den trön ze machen in solher weiß:
Verse: 5842    Zwelf seul mit großem fleiß

Verse: 5843    Gemacht und mit grozzer künst,
Verse: 5844    Die den trön hubent sünst,

Verse: 5845    Ydew seul dürch graben,
Verse: 5846    Ain menschlich pild dar ein erhaben,

Verse: 5847    Nach dem als Allexander
Verse: 5848    Zwelf fürsten reylich und her

Verse: 5849    Het, die seins racz pflägen
Verse: 5850    Und im bey on alles laugen

Verse: 5851    Warnd frö und spat.
Verse: 5852    Ydewͤ seül ainen namen hat

Verse: 5853    Nach den zwelf fürsten
Verse: 5854    Den hersten und den türsten.

Verse: 5855    Zwelf stapffeln müst man auf gan,
Verse: 5856    Die von gestain so getan

Verse: 5857    Warnd daz ich da von
Verse: 5858    Nit wol gesagen kan,

Verse: 5859    Wann man der stain hie nit enlint
Verse: 5860    Und sie uns laider tewͤr sind.

Verse: 5861    Da waz mörter noch daz pley,
Verse: 5862    Zynn, eysen noch ander gesmey:

Verse: 5863    Da mit man hie pawen tüt,
Verse: 5864    Ez wer dort gar ain aremüt.

Verse: 5865    Doch müß wir hie leben auch:
Verse: 5866    Ym ward vil leiht ze sterben als gach

Verse: 5867    Als mir ist, so ez wirt zeit.
Verse: 5868    Auf den seulen ain stul weit

Verse: 5869    Stund, den die seul trügen:
Verse: 5870    Smaragden, sapheyr clügen

Verse: 5871    Sach man vil da gelesten
Verse: 5872    Und vil stain der pësten

Verse: 5873    Als sie die sün ie uber schain.
Verse: 5874    Ze oberst ain karfünckelstain

Verse: 5875    Stünd und tet vil liehten schein.
Verse: 5876    Thopasimus, die mand und rübein

Verse: 5877    Sach man gelesten härte schön
Verse: 5878    Auf dem stul und in dem trön.

Verse: 5879    In dem tron auch dürch graben
Verse: 5880    Waz mit pustaben erhaben

Verse: 5881    Die land die im undertan
Verse: 5882    Müsten sein und nit lan

Verse: 5883    Sie müsten zins raichen im
Verse: 5884    Yerlich. die land vernym.

Verse: 5885    Ez stund also ergraben da:
Verse: 5886    'Mir dient Parthus und India,

Verse: 5887    Medus, Arabs und Asyrius,
Verse: 5888    Mesopotann, Persa, Celitus,

Verse: 5889    Mir dient judische diet,
Verse: 5890    Welhische lant. den Moren geriet

Verse: 5891    Ich mit maht mich nachen.
Verse: 5892    Macedon, Krichen enpfahen

Verse: 5893    Musten auch zu herren mich.
Verse: 5894    Amazonum daz künikreich,

Verse: 5895    Da nü find man ynn weib,
Verse: 5896    Die dienent sicher meinem leib.

Verse: 5897    Calde, Egypten, Capadocia,
Verse: 5898    Sardin, Affrik, Panphilia,

Verse: 5899    Ephesus ain insel ist genant,
Verse: 5900    Philadelphüs ist auch erkänt,

Verse: 5901    Daz müß alles diennen mir,
Verse: 5902    Schötten, Britün und Angeln,

Verse: 5903    Hyrland, Flandern und Kornüfal,
Verse: 5904    Franckreich dor zu uber all,

Verse: 5905    Dar zu allew teutsche land
Verse: 5906    Mußent dinen meiner hant,

Verse: 5907    Hyspania, Römer dar zü.
Verse: 5908    Wie fraydig sie wern nü,

Verse: 5909    Sie müßen mir zins doch
Verse: 5910    Geben. Tuschan, Püll, Colabia joch

Verse: 5911    Han ich gebogen under mich,
Verse: 5912    Armeni, Bulgri, Barbarich,

Verse: 5913    Unger, Beheim, Bayrlant,
Verse: 5914    Swaben, Francken hat mein hant

Verse: 5915    Betwüngen gar ritterlich.
Verse: 5916    Ez lebt auf erd nit mein geleich

Verse: 5917    On der got Jupiter,
Verse: 5918    Sprach Allexander.'

Verse: 5919    Sein uber müt der waz so größ
Verse: 5920    Umb daz daz im zu flöz

Verse: 5921    Gelük, er und gewalt
Verse: 5922    So vil und so manigfalt

Verse: 5923    Als kaim auf erd ye ward.
Verse: 5924    Dez uber hub er sich hart.

Verse: 5925    Ain krön auf daz haubet sein
Verse: 5926    Saczt er, so köstlich und so vein

Verse: 5927    Daz der gleich nÿ ward gesehen
Verse: 5928    Von gestain und zierd, muß ich yehen.

Verse: 5929    Da sach man umb geschriben stan:
Verse: 5930    'Waz uber scheint sün und mön

Verse: 5931    Von orient gen occident,
Verse: 5932    Osten, westen, die vier end

Verse: 5933    Der werlt die müßent dienen mir
Verse: 5934    All nach meines herczen gir.'




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.