TITUS
Alexanderroman (Wernigeroder Handschrift)
Part No. 124
Previous part

Chapter: 289  
Alexanders Begräbnis


Verse: 6305    Da Allexander erstarb
Verse: 6306    Und natürlich verdarb,

Verse: 6307    Da ward jamers mer dan vil
Verse: 6308    Von fürsten, herren an dem zil,

Verse: 6309    Daz ich ez nit erczellen mäg,
Verse: 6310    Den jamer und die grozzen clag

Verse: 6311    Die alda geschach.
Verse: 6312    Die frawen man gebarn sach

Verse: 6313    Vor clag und jamer cleglich.
Verse: 6314    Ir schön die ver wandelt sich,

Verse: 6315    Daz sie ward plaich und miße var.
Verse: 6316    Sie zart ir goltfarbes har

Verse: 6317    Mit jamer auz der swart.
Verse: 6318    Der ir nit het gewart,

Verse: 6319    Sie het ir selber ton den töt,
Verse: 6320    So grözz waz ir clag und nöt.

Verse: 6321    Die fürsten fürten sie dann,
Verse: 6322    Da wainten frawen und man.

Verse: 6323    Pertholomeus der fürst reich
Verse: 6324    Hiez beraiten maisterleich

Verse: 6325    Ainen sarch von golde rain
Verse: 6326    Und dar zu von edelm gestain

Verse: 6327    Dez pesten so mans vinden
Verse: 6328    Möht. an den stünden

Verse: 6329    Wart Allexander dor ein geleit
Verse: 6330    Mit jamer und mit traürickeit.

Verse: 6331    Nit unlang dar nach
Verse: 6332    Drey maister man sach

Verse: 6333    Zu dem leichnam dar gan.
Verse: 6334    Der ain sprach on allen wann:

Verse: 6335    'Gester waz Allexander
Verse: 6336    Aller der werlt her,

Verse: 6337    Heut so müß er sein ain kneht
Verse: 6338    Dez todez, daz ist auch reht.'

Verse: 6339    Der ander maister do sprach:
Verse: 6340    'Ist daz nit ain ungemach?

Verse: 6341    Gester wolt er nit benungig sein
Verse: 6342    An all der werlt, nü ist ain schrein

Verse: 6343    Von siben schüchen sein gemach.
Verse: 6344    Der drit maister der do jach:

Verse: 6345    'Gester waz Allexander
Verse: 6346    Mit gold und mit pürper

Verse: 6347    Beclait und mit rehtem smak:
Verse: 6348    Nü leit er als ain fauler ak

Verse: 6349    Und ist all der werlt unwert:
Verse: 6350    Nymmant sein mer begert.'

Verse: 6351    Da sprach Pertholomeus
Verse: 6352    Mit geschray und wainen alsüs:

Verse: 6353    'O du edler künig reich,
Verse: 6354    Wie sull wir all gemainleich

Verse: 6355    Dein ymmer werden ergeczt?
Verse: 6356    Der tod hat dich geleczt.

Verse: 6357    Du host mangen künig erslagen:
Verse: 6358    Wer wil uns nü bejagen

Verse: 6359    Gut und er?
Verse: 6360    We mir ymmer mer!'

Verse: 6361    Also fürten sie in
Verse: 6362    Gen Allexandria hin.

Verse: 6363    Da ward im gemacht
Verse: 6364    Ain grab von reicher aht

Verse: 6365    Von stain und von gold.
Verse: 6366    Daz ich da von sold

Verse: 6367    Sagen vil, daz wer umb sünst:
Verse: 6368    Auch ist ze clain mein künst

Verse: 6369    Da von zu sagen vil.
Verse: 6370    Ains ich doch sagen wil.

Verse: 6371    Der her lebt für war
Verse: 6372    Zway und dreißig jar

Verse: 6373    Und siben monat mer.
Verse: 6374    In zwelf jarn zwang er

Verse: 6375    Die werlt all gemain.
Verse: 6376    Mit gifft starb der rain.

Verse: 637a    Do mit so sprich ich amen.



Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.