TITUS
Heinrich von Meissen, Frauenlob
Part No. 15
Previous part

Text: 14 
XIV. Lieder



Strophe: 1 
Lied 1 (Et. Lied I)


Strophe: 1_[A] 
Verse: 1    Got grüze mines herzen wirt
Verse: 2    und miner hohen selden minniglichen gast,
Verse: 3    der zaller stunde
Verse: 4    mit niuwen, süzen aventiuren
Verse: 5    mir zu wernden freuden komt.

Verse: 6    Daz ist ein wip, die hat gefromt
Verse: 7    den sinnen min so übercreftiglichen last
Verse: 8    mit minniglicher
Verse: 9    lust grunt suchender lieben liebe,
Verse: 10    davon ofte mich verbirt

Verse: 11    Min selbes craft,
Verse: 12    sus sigehaft
Verse: 13    ist sie gein mir.
Verse: 14    wol mich der reinen, senften, süzen meisterschaft.

Strophe: 1_[B] 
Verse: 1    Nu merket wunder, daz ein wip
Verse: 2    [ ] mich mit mir selben überwindet. minne, ich clage:
Verse: 3    min ir gedenken
Verse: 4    verderbet mir min selbes witze,
Verse: 5    so kan sie ane ir danc gesigen.

Verse: 6    Ich prüfe in ir ougen ligen
Verse: 7    min sterben und min uferstan von todes hage.
Verse: 8    [ ] min gerndez hoffen,
Verse: 9    [ ] min sendez trösten und min wünschen,
Verse: 10    ei, sie [ ] lieber, reiner lip!

Verse: 11    Swie gar mich lat
Verse: 12    mins herzen rat,
Verse: 13    min sinne wert,
Verse: 14    doch fröuwe ich mich, daz sie so stete güte hat.

Strophe: 1_[C] 
Verse: 1    Swenn ich aleine bin bi mir,
Verse: 2    so frege ich minen mut, wa sie, die schöne, si.
Verse: 3    er sprichet: ʽgenzlich
Verse: 4    sie wont bi uns hie inne. warte,
Verse: 5    waz du daruze bi dir habest.

Verse: 6    Waz well wir, wie du dich erlabest?'
Verse: 7    ʽund ist die senfterinne mir so nahen bi,
Verse: 8    ei, lat [ ] mich kosen
Verse: 9    mit ir zu trost min sehenden ougen.'
Verse: 10    ʽnahen', sie sprechen, [ ] ʽhabe sie dir'.

Verse: 11    So ist mir leit,
Verse: 12    ich swer den eit
Verse: 13    den sinnen min:
Verse: 14    ʽzwar wirt sie mir, ir komt sin alle in arebeit'.

Strophe: 1_[D] 
Verse: 1    ʽHer Mut, ich sihe min lebendez heil,
Verse: 2    gar [ ] engel unde wip. wol, wünschet ir, wol mich, wol.
Verse: 3    her Mut, und wizzet,
Verse: 4    sie tusent selde in min ougen
Verse: 5    hat gewidemt in ir wesen.

Verse: 6    Wie well wir in herschaft genesen
Verse: 7    an sie, die gar gehiuren, lieben? man mac, sol,
Verse: 8    swer sie wil, schouwen.
Verse: 9    sie hat so vil der schönen schöne,
Verse: 10    daz uns blibet unser teil.'

Verse: 11    ʽDu sichst sie gar,
Verse: 12    doch ist daz war',
Verse: 13    so gicht der mut,
Verse: 14    ʽwir haben sie me wan halb bi uns in eren schar.'

Strophe: 1_[E] 
Verse: 1    ʽIch wil sie [ ] ungeteilet han,
Verse: 2    die reinen, guten, süzen, hochgebornen frucht.'
Verse: 3    ʽfriunt, la din kriegen,
Verse: 4    din ougen han sich uf geslozzen,
Verse: 5    durch die gat ein straze her,

Verse: 6    Die git sie uns nach unser ger.'
Verse: 7    ʽouch steln min ougen mir min frouwen, ist daz zucht?'
Verse: 8    ʽja sunder lougen.'
Verse: 9    ʽwer hilfet mir zu kriegen danne?'
Verse: 10    ʽnieman, la den frefel bestan!'

Verse: 11    ʽSo ger ich ir:
Verse: 12    sie hilfet mir,
Verse: 13    daz ich gesige.'
Verse: 14    ʽzwar nein, sie entut. wir han sie gar enzücket dir.'



Strophe: 2 
Lied 2 (Et. Lied II)


Strophe: 2_[A] 
Verse: 1    Ouwe, herzelicher leide,
Verse: 2    die ich sender tragen muz.

Verse: 3    Ouwe, liechter ougenweide,
Verse: 4    wanne wirt mir sorgen buz?

Verse: 5    Wanne sol din roter munt mich lachen an
Verse: 6    unde sprechen: ʽselig man,
Verse: 7    swaz du wilt, daz si getan' ?

Strophe: 2_[B] 
Verse: 1    Ja meine ich den munt so losen,
Verse: 2    an dem al min trösten liget.

Verse: 3    Sprechet alle, rote rosen,
Verse: 4    daz ein munt mit roten [ ] siget.

Verse: 5    Baz dem munde zeme ein liljenwizez ja
Verse: 6    dann ein nein von jamer bla:
Verse: 7    daz wort machet min jugent gra.

Strophe: 2_[C] 
Verse: 1    Minne, kanst du freude borgen?
Verse: 2    des gihe ich dir niemer tac.

Verse: 3    Swem du lachest gein dem morgen,
Verse: 4    zwar dem wirt din afterslag.

Verse: 5    Diner lüste rosen hegen scharfen dorn,
Verse: 6    leit ist liebem zu geborn:
Verse: 7    solchen wucher treit din korn.

Strophe: 2_[D] 
Verse: 1    Minne, wiltu solchen jamer
Verse: 2    uf mich erben mine zit?

Verse: 3    Diner lüste selden amer
Verse: 4    mir da kleine stiure git.

Verse: 5    Nie dem herren Iwein wirs kein maget tete,
Verse: 6    wan die schöne vrou Lunete
Verse: 7    halt: des leben da trost an hete.

Strophe: 2_[E] 
Verse: 1    Ach, solt ich den apfel teilen,
Verse: 2    den Paris der Minne gab,

Verse: 3    Zwar, du müstest jamer seilen,
Verse: 4    solte ich dadurch in min grab.

Verse: 5    Pallas oder Juno müsten halden ir:
Verse: 6    so reche ich min leide an dir,
Verse: 7    die du hast geerbet mir.



Strophe: 3 
Lied 3 (Et. Lied III)


Strophe: 3_[A] 
Verse: 1    Ich muz unter wilen borgen
Verse: 2    [ ] vröude, der ich nicht [ ] enmeine,
Verse: 3    durch die liute, daz sie nicht verdrieze min.

Verse: 4    Daz muz ich darnach besorgen:
Verse: 5    swenn ich bi mir bin aleine,
Verse: 6    so tut swere mich mit senden leiden in.

Verse: 7    Daz komt allez von der süzen.
Verse: 8    ach, wer sol mir swere büzen,
Verse: 9    sit sie mich nicht mag gegrüzen,
Verse: 10    die mir immer muz vor allen frouwen sin?

Strophe: 3_[B] 
Verse: 1    Mir wart anders nicht der wunne,
Verse: 2    wan daz ich der lüste garten
Verse: 3    sach in spilnder ougenweide vor mir stan.

Verse: 4    Ob ich mich da wol versunne?
Verse: 5    [ ] zwar ^ich [ ] brach der blumen^ zarten:
Verse: 6    die muste ich dem herzen und dem mute lan.

Verse: 7    Merket, waz die blume were:
Verse: 8    stetez leit mit sender swere.
Verse: 9    der min mut vur selden lere,
Verse: 10    nicht han ich dem garten leides me getan.

Strophe: 3_[C] 
Verse: 1    Ich sach obe dem garten glesten
Verse: 2    mir zwo sunnen durch min herze,
Verse: 3    sam sie mit mir wolden lachen immer me.

Verse: 4    Liljen, rosen obe den vesten
Verse: 5    bluten uz so zartem erze,
Verse: 6    do wart mir gegeben daz kummer tragende we.

Verse: 7    [ ] Daz geschach mir durch ein schouwen:
Verse: 8    süze grüze sach ich touwen
Verse: 9    in den wunnebernden ouwen.
Verse: 10    ach, müste ich den garten schouwen aber als e.

Strophe: 3_[D] 
Verse: 1    Minne, daz sint dine schulde,
Verse: 2    sol ich durch ein angesichte
Verse: 3    immer in so kummer tragenden sorgen sin:

Verse: 4    Zwar daz were [ ] ein ungedulde.
Verse: 5    Minne, hast du recht gerichte,
Verse: 6    so la durch dine güte vuge werden schin,

Verse: 7    So daz ich mich [ ] müze erkosen
Verse: 8    [ ] mit der ^süzen, zarten^, losen,
Verse: 9    die sich in mins herzen closen
Verse: 10    hat verwieret als in gold ein liecht rubin.

Strophe: 3_[E] 
Verse: 1    Wil die liebe mit der lüste
Verse: 2    nemen an sich ein vollez flizen,
Verse: 3    we den mannen, in der herze sie sich legen.

Verse: 4    Stetez werben ane unküste,
Verse: 5    dem mag Minne nicht verwizen;
Verse: 6    & ungerechte liebe <solde sie> selten & hegen.

Verse: 7    Sol aber ane lon beliben
Verse: 8    steter dienest lieben wiben,
Verse: 9    we den frouwen, die [ ] getriben
Verse: 10    solch unfuge, gein ir vriunden sich erwegen.



Strophe: 4 
Lied 4 (Et. Lied IV)


Strophe: 4_[A] 
Verse: 1    Ahi, wie blüt der anger miner ougen,
Verse: 2    den ich für alle ougenweide han erkorn.

Verse: 3    Ir fire ist geboten sunder lougen
Verse: 4    dem herzen und den sinnen min für allen zorn.

Verse: 5    Ja muz ich sunder riuwe sin,
Verse: 6    swenne ich an sihe die rosen und der liljen schin,
Verse: 7    der ab ir liechten wangen durch die ougen min
Verse: 8    gewaltiglichen brehet
Verse: 9    unde drehet
Verse: 10    zu dem herzen: ʽla mich in!'

Strophe: 4_[B] 
Verse: 1    Sie hat & verwieret sich in minem mute,
Verse: 2    ich mag nicht me, wan als sie wil, so muz ich leben.

Verse: 3    Min sterben, min genesen treit die gute,
Verse: 4    so kan sie beide liebe und leide mir ouch geben.

Verse: 5    So lieb in al der werlte ein wip
Verse: 6    wart nie geborn und wirt ouch nimmer zarter lip.
Verse: 7    min freude, min trost und miner sorgen leitvertrip,
Verse: 8    min lust, min meien ouwe,
Verse: 9    herzen frouwe,
Verse: 10    durch din güte gut du blib.

Strophe: 4_[C] 
Verse: 1    Sie tut mir als daz pantel bi den tieren:
Verse: 2    dem volgens durch süzen smac in bitterliche not.

Verse: 3    Ir spilndez angesichte [ ] kan sie zieren,
Verse: 4    der schöne freuwe ich mich, die freude treit den tot.

Verse: 5    Ich mag nicht volliglichen gesehen
Verse: 6    in so trost gebende schöne, & ez enmüze geschehen [ ] &
Verse: 7    ein vallen, als des aren kint der sunnen brehen
Verse: 8    durch weichen blic tut sterben.
Verse: 9    solch verderben
Verse: 10    git sie mir, des muz ich jehen.

Strophe: 4_[D] 
Verse: 1    Ja singe ich als der swan, der [ ] gein dem ende
Verse: 2    so süzen sang gewinnet, ein swinendez fro.

Verse: 3    Sie tut mir als dem venix, den sin brende
Verse: 4    in lust verbrennen, min gemüte lebet also.

Verse: 5    Swie we mir von ir <ie> geschach
Verse: 6    und noch geschicht, doch ist sie miner freuden dach,
Verse: 7    min balsemtror, min edeler stein für ungemach.
Verse: 8    ei, minniglichez töten,
Verse: 9    mit den nöten
Verse: 10    [ ] sie min herze alrerst zerbrach.

Strophe: 4_[E] 
Verse: 1    Queme uz ir süzen munde ein wort geflozzen,
Verse: 2    daz tete mich von todes banden komen wider.

Verse: 3    Recht als der lewe, der in des todes slozzen
Verse: 4    sin welf erschriet, daz sie lebendig werden sider,

Verse: 5    So mag sie mich erquicken wol.
Verse: 6    ei, selig wip, nu tun ich allez, daz ich sol:
Verse: 7    mag nicht verfahen stetez herze triuwen vol,
Verse: 8    wie sol ich danne gebaren?
Verse: 9    jung der jare
Verse: 10    erbe ich alten angest zol.



Strophe: 5 
Lied 5 (Et. Lied VII)


Strophe: 5_[A] 
Verse: 1    Von niuwen senden sorgen,
Verse: 2    von niuwer sender arebeit
Verse: 3    wil ich kunden
Verse: 4    minen friunden,
Verse: 5    die mir ein wip durch min ougen niuwes hat gesendet.

Verse: 6    Wie wolte ich darzu borgen?
Verse: 7    ob allez williglichen leit
Verse: 8    min gesichte,
Verse: 9    süzer pflichte
Verse: 10    bin ich von der lieben, truten liepliche behendet.

Verse: 11    Ich clage ein leit ob allem leide:
Verse: 12    ach mir wirret,
Verse: 13    daz ich also gahes scheide
Verse: 14    von so süzer zarter ougenweide,
Verse: 15    gein der min mut mit gedanken nimmer sich verfirret.

Strophe: 5_[B] 
Verse: 1    ʽWes clagestu grozen kummer,
Verse: 2    wer bat dich zu den sorgen stan?'
Verse: 3    du & [ ] <mit> reten,
Verse: 4    du ez tete,
Verse: 5    durch daz von mir der vil claren [ ] keine not erschinet.

Verse: 6    Nu sehet, daz ich tummer
Verse: 7    mir selber <gar> vertuzzet han
Verse: 8    mine sinne.
Verse: 9    ouwe Minne,
Verse: 10    macht du richten gein ir, die so vestiglichen pinet?

Verse: 11    Für war, mich twang ir wiplich güte,
Verse: 12    schöne und ere,
Verse: 13    die ich in so voller flüte
Verse: 14    bi der lieben vant. des min gemüte
Verse: 15    jach, ez wolde bliben da an alle widerkere.

Strophe: 5_[C] 
Verse: 1    ʽIr ere, ir güte, ir schöne
Verse: 2    gebiut, daz sie dir rechtes pflegen
Verse: 3    gein ir schulden.
Verse: 4    sol sie dulden,
Verse: 5    zwar ich wene, daz sie richten dir gein ir die swere.'

Verse: 6    Ouwe der swinden löne!
Verse: 7    die müsten wider sich selben wegen
Verse: 8    mir ein büzen
Verse: 9    von der süzen:
Verse: 10    sie sint, die mir tun und flizen sich uf min gevere.

Verse: 11    Ei, Minne, du solt selbe richten.
Verse: 12    süze Minne,
Verse: 13    nicht enlaz mich so vernichten,
Verse: 14    hilf, daz sich die liebe müze [ ] pflichten
Verse: 15    solcher vuge, da von sich ein trösten mir beginne.

Strophe: 5_[D] 
Verse: 1    Ja höre ich da, durch minne
Verse: 2    daz ich den frouwen helfen sol
Verse: 3    gein iu mannen.
Verse: 4    zu und dannen,
Verse: 5    solchen wechsel kan ich schenken ie ir spilnden ougen.'

Verse: 6    Daz ich vor ir die sinne
Verse: 7    hie habe, so tust du, Minne, wol.
Verse: 8    zwar ein sterben
Verse: 9    muz ich werben,
Verse: 10    oder ir güte, der vil claren, muz mich trösten gar tougen.

Verse: 11    ʽHei, hei, wie du dir selber lachest
Verse: 12    & für [ ] <die> schönen &.'
Verse: 13    wizze, Minne, wie du mich swachest,
Verse: 14    daz du richen dienest ringer machest!
Verse: 15    laz mich immer werben nach der lieben trostes lone!

Strophe: 5_[E] 
Verse: 1    Swaz meien lust gezierde
Verse: 2    treit, walt, heide, anger, blumen glanz:
Verse: 3    mir zu stiure
Verse: 4    die gehiure
Verse: 5    meiet tusentvaltig baz. wol mich, wol <mich der> heren!

Verse: 6    Min heil, hilf tragen die girde,
Verse: 7    min freude und al min wunne ganz,
Verse: 8    lust mines herzen.
Verse: 9    senden smerzen
Verse: 10    kan die liebe ^mir aleine und^ nieman baz verkeren.

Verse: 11    Ich wil zwar, daz der wunsch ir blibe,
Verse: 12    der vil zarten.
Verse: 13    swaz man ie enpfant an wibe
Verse: 14    lobes, des muz man gunnen wol ir libe.
Verse: 15    durch daz wil ich ir genaden immer me wol warten.



Strophe: 6 
Lied 6 (Et. Lied VIII)


Strophe: 6_[A] 
Verse: 1    Mir ist ein wip
Verse: 2    so nahen durch die ougen min
Verse: 3    gebrochen in daz herze.
Verse: 4    nu merket, welch ein strazen
Verse: 5    sie ir hat erkorn!

Verse: 6    Des muz min lip
Verse: 7    von schulden ir gefangen sin.
Verse: 8    dannoch so wil der smerze
Verse: 9    im nicht genügen lazen,
Verse: 10    des bin ich verlorn.

Verse: 11    Der hat mir brende
Verse: 12    so behende
Verse: 13    an mins herzen pin gebrant,
Verse: 14    des hat ein siuche sich erhaben:
Verse: 15    swaz ich von brenden ie bevant,
Verse: 16    daz ist an sender arebeit
Verse: 17    gein solchen brenden wol begraben.

Strophe: 6_[B] 
Verse: 1    Ich clage min not,
Verse: 2    ich clage min unbewante zit,
Verse: 3    daz ich nach <den> ir hulden
Verse: 4    mit senen habe gerungen
Verse: 5    wol nach friundes rat.

Verse: 6    Der gicht, der tot
Verse: 7    müze enden miner helfe strit.
Verse: 8    bistu von solchen schulden,
Verse: 9    min heil sust were verdrungen.
Verse: 10    secht, nu stille stat

Verse: 11    Min rücken: [ ] gelücke,
Verse: 12    daz e flücke
Verse: 13    <was> und wande ouch immer wesen,
Verse: 14    ich wene, im si <der> vederen zal
Verse: 15    uz sinen vetchen vil gelesen,
Verse: 16    swenn ez die höhe fliegen wil,
Verse: 17    daz ez muz vallen hin zu tal.

Strophe: 6_[C] 
Verse: 1    Ich suchte mich,
Verse: 2    da vant ich min da heime nicht.
Verse: 3    ich wante, ein ding daz wolte
Verse: 4    mich töten <gar> mit lüste.
Verse: 5    lip, wa was ich do?

Verse: 6    Hilf, Minne, rich
Verse: 7    die wunderliche wechselschicht,
Verse: 8    gib ^wider mir^ zu solde,
Verse: 9    ob ich erner min brüste
Verse: 10    vor ir lichte also,

Verse: 11    Daz ich behalde
Verse: 12    mit gewalde
Verse: 13    unter wilen minen mut,
Verse: 14    und mich von ir gewünschen mag.
Verse: 15    ei, müste ich tun, daz sie mir tut -
Verse: 16    ich meine [ ] dich - und gebe ir mich,
Verse: 17    daz were ein wunne wernder tag.

Strophe: 6_[D] 
Verse: 1    Min meienschin,
Verse: 2    min wunne wernder vogelsanc,
Verse: 3    min lustgezierte heide,
Verse: 4    min heilschilt tragende blüte
Verse: 5    und min hoher mut,

Verse: 6    Daz kan sie sin,
Verse: 7    <al> miner freuden anevanc,
Verse: 8    ei, wunsches ougenweide,
Verse: 9    heilflut der senften güte.
Verse: 10    Minne, bistu gut,

Verse: 11    Erteile ir herzen
Verse: 12    minnen smerzen.
Verse: 13    ouwe, wes gan ich ir nu
Verse: 14    teil? daz gebe ir zu swere hebe.
Verse: 15    sie tu mir halt, swie sie mir tu:
Verse: 16    <owe, Minne>, ich wil ^durch min leit
Verse: 17    ir nimmer sweren wunsches leben^ [ ].

Strophe: 6_[E] 
Verse: 1    Sol frouwen pris
Verse: 2    an mir verderben ane clage?
Verse: 3    ich was doch ie des mutes,
Verse: 4    daz ich <in> ere gunde,
Verse: 5    als ich in noch gan.

Verse: 6    In welcher wis
Verse: 7    sol ich sie fürbaz mine tage
Verse: 8    <nu> loben [ ] riches gutes,
Verse: 9    [ ] als ich bi wilen kunde,
Verse: 10    do ich von in san

Verse: 11    Daz aller beste?
Verse: 12    eren veste
Verse: 13    waren gute frouwen ie.
Verse: 14    nu muz ich sprechen als ich sol:
Verse: 15    ir keine wart so süze nie,
Verse: 16    queme ab ir munde ein lieplich gruz,
Verse: 17    er tete guten mannen wol.



Strophe: 7 
Lied 7 (Et. Lied IX)


Strophe: 7_[A] 
Verse: 1    [ ] <War> wilt du, selig wip? wie ist dir also gach?
Verse: 2    waz wiltu suchen in so sendem herzen?
Verse: 3    du vindest da niur trüben mut.

Verse: 4    Hilf, Minne, hilf <mir> uz der lieben ummevach,
Verse: 5    sie bringet mir ir kummer tragenden smerzen.
Verse: 6    ʽdu hast nu spate daz behut,

Verse: 7    Wan sie ist so creftig ingezoget,
Verse: 8    sie hat gehuset und wil sin ein erbevoget
Verse: 9    nach minem mute in diner brust,
Verse: 10    ez si gewin, ez si verlust.'

Strophe: 7_[B] 
Verse: 1    La stan, la stan! du wilt mich töten, Minne zart,
Verse: 2    tust du mir nicht din tröstlich helfe zu stiure
Verse: 3    gein der vil süzen, claren [ ] wert.

Verse: 4    ʽNein zwar, des mag nicht sin, sie ist also bewart:
Verse: 5    din mut, din herze helfen der gehiuren
Verse: 6    und wellen nicht, wan swes sie gert.'

Verse: 7    Hat sie besezzen al min leben?
Verse: 8    ja zwar, ez ist ir williglichen ufgegeben.'
Verse: 9    wie tun ich danne, Minne, ouwe?
Verse: 10    ʽsie hat gesiget, swie ez dir erge.'

Strophe: 7_[C] 
Verse: 1    Ich han gedacht, wie du mir helfest, Minne, wol:
Verse: 2    hat sie besezzen gar mins herzen erbe,
Verse: 3    hilf mir ouch in ir herze dort.

Verse: 4    ʽDaz wil ich werben baz, wan ich von rechte sol.
Verse: 5    da enzwischen hüte, daz sie dich icht verderbe.
Verse: 6    ir herze ist [ ] stete uf allen ort.

Verse: 7    Bringe ich dich tougenlichen dar,
Verse: 8    so hüte, daz die liebe din icht werde gewar.
Verse: 9    ervert sie dich, sie tut dir leit
Verse: 10    mit miner werden arebeit.'

Strophe: 7_[D] 
Verse: 1    Vil süzer minnen vrucht volvar und ende mir:
Verse: 2    kom ich der lieben in ir herzen closen,
Verse: 3    enruche nicht, swaz mir geschicht.

Verse: 4    ʽIch vüre dich züchtiglichen durch die ougen ir.'
Verse: 5    mag aber ich mit der lieben mich erkosen?
Verse: 6    ʽdaz wil ich leider sprechen nicht.'

Verse: 7    Mag aber ich min gewaltig sin?
Verse: 8    ʽnein zware, du bist ganzlich ir und <bist> nicht din.'
Verse: 9    wol hin, ich wil ir eigen wesen,
Verse: 10    ez <si> der tot, ez si genesen.

Strophe: 7_[E] 
Verse: 1    Nu dar! nu wie sol ich [ ] gebaren, Minne, owi?
Verse: 2    ʽtoben soltu mit dir selber tougenlichen,
Verse: 3    alsam du sist von sinnen komen.'

Verse: 4    Ouwe, so fürchte ich, daz die liebe [ ] mir entvlie.
Verse: 5    ʽich schaffe, daz sie dir nicht mag entwichen.'
Verse: 6    ja wol mich, wol, [ ] du wilt mir fromen.

Verse: 7    Ja zwar, sie muz enpfinden we.'
Verse: 8    nein, zarte Minne, daz ^an ir daz^ nicht erge!
Verse: 9    la mich den kummer eine tragen.
Verse: 10    ir sterben tete mich erslagen.


This text is part of the TITUS edition of Heinrich von Meissen, Frauenlob.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.