TITUS
Heinrich von Meissen, Frauenlob
Part No. 14
Previous part

Text: 13 
XIII. Kurzer Ton


Strophe: 1    XIII, 1
Verse: 1    Ich wirbe, als ich von rechte sol:
Verse: 2    den liuten singe ich minen sang.

Verse: 3    Den biderben er gevellet wol,
Verse: 4    die geben mir ir habedanc.

Verse: 5    Ist denn ein valscher ouch dabi,
Verse: 6    der irret mich der biderben gunst
Verse: 7    mit maniger rede: sus wirt min kunst
Verse: 8    vil selten ungemaches vri.

Strophe: 2 
Verse: 1    Ich gibe der zit ir wise und wort,
Verse: 2    ich unterscheide ir lieb und leit.

Verse: 3    Unmaze hie, unfuge dort,
Verse: 4    ich <...>

Verse: 5       <...> missefarn.
Verse: 6    trit ab nu, ungefüger man,
Verse: 7    oder ich gan aber von dir hin dan.
Verse: 8    wer möchte sich vor dir bewarn?

Strophe: 3 
Verse: 1    Ich singe, als ich der werlte gan,
Verse: 2    zu stiure freudenricher tat.

Verse: 3    Swer werben wil wol als er kan,
Verse: 4    dem gibe ich & liebe unde rat &.

Verse: 5    Komt im min sang zu stiure da,
Verse: 6    so daz im sorgen werde buz,
Verse: 7    der sende mir <den> sinen gruz,
Verse: 8    er from im <hie> oder anderswa.

Strophe: 4 
Verse: 1    Ich wil in wegen, als er mich wiget,
Verse: 2    der min zu kempfen hat gedacht.

Verse: 3    Ob er mit swigen da gesiget
Verse: 4    und swenn sin spot er hat volbracht,

Verse: 5    Da bi denke ich ein ander teil:
Verse: 6    für war, entloufet im sin pfert,
Verse: 7    ez ist zu vahen mir unwert,
Verse: 8    swie groz ez were. nu si heil!

Strophe: 5_[a] 
Verse: 1    Die herren han ein list erdacht,
Verse: 2    damit sie wenen sich erwern.

Verse: 3    Swaz künste <nu> wirt für sie bracht,
Verse: 4    sie jehen alle: ʽir wellet hern

Verse: 5    Den alten meister Erewin,
Verse: 6    der funt, der was da <vor> ouch sin.'
Verse: 7    ob ouch wol die sprache ist min,
Verse: 8    so treit er doch daz kriegen hin.

Strophe: 6_[b] 
Verse: 1    [ ] <Uns> ist erloubet, ob wir mügen,
Verse: 2    zu cleiden alter schanden [ ] bracht,

Verse: 3    Kan unser fuge da getügen:
Verse: 4    der sprüche spehe an sie flacht

Verse: 5    Vor uns der alten meister kunst.
Verse: 6    gesundert doch von in herabe
Verse: 7    der worte fündeln, daz er habe
Verse: 8    vor uns, blibe in der alten gunst.

Strophe: 7_[c] 
Verse: 1    Swer der materjen cleit e gab,
Verse: 2    von pfelle, samit rich gewant,

Verse: 3    Durchblümet ende <und> urhab
Verse: 4    mit sprüchen ganz, vin, rich erkant:

Verse: 5    Danc habe sin herze und sin sin.
Verse: 6    komt aber der materjen such,
Verse: 7    cleide ich sie in ein niuwez tuch
Verse: 8    <...>

Strophe: 8_[a] 
Verse: 1    Swer biten muz und biten sol
Verse: 2    und betelicher gabe gert,

Verse: 3    Des biten zimt zu hören wol,
Verse: 4    und ist nicht übel, wirt er gewert.

Verse: 5    Ein betelich gabe, ein billich bieten,
Verse: 6    die zwei sint wol von einer art.
Verse: 7    unbillich bete hat sich bewart
Verse: 8    vor wisen, vorbedachten siten.

Strophe: 9_[b] 
Verse: 1    ʽIch bite dich' und ʽ<ez> muz doch sin',
Verse: 2    die bete sich [ ] mischet mit gewalt.

Verse: 3    Ouch wirfet sich ein twingen darin,
Verse: 4    <daz ist> unbetelich gestalt,

Verse: 5    Sit bete von art genaden darf.
Verse: 6    swa danne gewalt sich mischet dar,
Verse: 7    da wirt daz flehen missevar:
Verse: 8    gein dem unwille ie sich entwarf.

Strophe: 10_[c] 
Verse: 1    ʽIch bite', daz ist <ein> armez wort
Verse: 2    und ist ein kranke sicherheit.

Verse: 3    Wert ist ʽgewert' uf manigen ort,
Verse: 4    doch ist der zwifel ie sin cleit.

Verse: 5    Ez darf genaden, & [ ] <swa ez> gert,
Verse: 6    [ ] <und> suchet ez, [ ] da ez & nötig si:
Verse: 7    swie vil im fuge wonet bi,
Verse: 8    ez muz sich schamen [ ] unerwert.

Strophe: 11_[a] 
Verse: 1    Swer liegen bringet in den spruch,
Verse: 2    daz man sin von im ist gewon,

Verse: 3    & [ ] Daz ist doch <ie> ein minner bruch,
Verse: 4    daz maniger [ ] verdirbet davon &,

Verse: 5    Dann ob er liege, von dem man wil
Verse: 6    triuwe unde warheit sicher sin.
Verse: 7    des lüge nimt michel laster in:
Verse: 8    verschamter, & <dir> ist nicht zu vil &!

Strophe: 12_[b] 
Verse: 1    In swelchem dinge sich ein man
Verse: 2    verschamt, dem hat er an gesiget.

Verse: 3    Kein laster dem gewerren kan,
Verse: 4    sit er ez allez ringe wiget.

Verse: 5    Ez ist an allen liuten war:
Verse: 6    swa man des lasters sich nicht schamt,
Verse: 7    da ist der tugent vuz erlamt:
Verse: 8    dem zimet niur verfluchte schar.

Strophe: 13_[c] 
Verse: 1    Swa man wiget laster für die tugent,
Verse: 2    da wil die zucht nicht meister sin.

Verse: 3    So scham dich, gar verschamte jugent!
Verse: 4    du tust alsam ein tummes swin,

Verse: 5    Daz vür den grünen anger nimt
Verse: 6    die trüben lachen und daz hor.
Verse: 7    da hüten sich die biderben vor,
Verse: 8    wan ez niur swacher diet gezimt.

Strophe: 14 
Verse: 1    Der venix sich verbrennen muz,
Verse: 2    swenne er zu hundert jaren komt.

Verse: 3    Er junget sich wider, so wirt irn buz,
Verse: 4    swaz im sin alter hat gefromt.

Verse: 5    Darzu geliche ich [ ] blöde jugent,
Verse: 6    die ir erwirbet, daz ir nam
Verse: 7    in eren glenzet, sunder scham
Verse: 8    ob wol der lip komt in untugent.

Strophe: 15_[a] 
Verse: 1    ʽIch lobe', deist ein guter funt
Verse: 2    und <ouch> der höchsten eren spil.

Verse: 3    Git imz daz herze und ouch der munt,
Verse: 4    wol im, der ere erwirbet vil.

Verse: 5    Swem ez aber komt mit lugen dar,
Verse: 6    dem treit ez unter [ ] ougen scham.
Verse: 7    den fromen lob [ ] <ie> billichen zam:
Verse: 8    lob mit der folge ist wol gevar.

Strophe: 16_[b] 
Verse: 1    Lobe ich den kargen um sin gut,
Verse: 2    ob mir ein heil da von beschicht,

Verse: 3    Liez sich da mieten zu min mut,
Verse: 4    son hete ez doch der volge nicht.

Verse: 5    Ich mag wol danken im der tat,
Verse: 6    ich sol ^in aber^ nicht fürbaz loben,
Verse: 7    swie vol er schatzes si geschoben,
Verse: 8    sit daz im lob nicht wol an stat.

Strophe: 17_[c] 
Verse: 1    Ein cleine woltat sol ich loben
Verse: 2    des biderben mannes gar für vol.

Verse: 3    Des lob kan nieman [ ] überoben,
Verse: 4    sit ez im zimt so rechte wol:

Verse: 5    Des fromen tat von herzen gat.
Verse: 6    ob wol der böse ein ere gefromt,
Verse: 7    sit daz ez nicht von herzen komt,
Verse: 8    durch daz man ez verderben lat.

Strophe: 18 
Verse: 1    Swa grazet hoher herren munt,
Verse: 2    für war, da wonet unwitze bi.

Verse: 3    Zunge unde kel ist ungesunt,
Verse: 4    des wis du alles davor fri.

Verse: 5    Dem du nicht anders woltest geben,
Verse: 6    dem gib doch, da du nimest pfant.
Verse: 7    durch süze durft in fremder hant
Verse: 8    entwellet doch der diener leben.

Strophe: 19 
Verse: 1    Swa herzen mut gemeret ist,
Verse: 2    daz git vil manegem hohen pris,

Verse: 3    Der durch ein wip und liebe daz frist,
Verse: 4    leget uf die wage in aller wis.

Verse: 5    Ein herze erwirbet daz mit siten,
Verse: 6    daz man me durch sin liebe tut,
Verse: 7    dann durch <den> schaz und allez gut.
Verse: 8    solch mut hat herze wol erstriten.

Strophe: 20 
Verse: 1    Swelch herre me wil sin geforcht,
Verse: 2    dann er geminnet wolde wesen,

Verse: 3    & Wer billich dienest dem erworcht?
Verse: 4    daz han ich selden me & gelesen.

Verse: 5    & [ ] <Wan swa> & ein man gefangen lit,
Verse: 6    wie cleine schuld die buze si,
Verse: 7    ich wene, ir wolte <er> wesen fri.
Verse: 8    twang selten holden dienest git.

Strophe: 21_[A] 
Verse: 1    Ahi, sich böset liut und lant,
Verse: 2    wie gar ez nimt an selden abe!

Verse: 3    Der fürsten gabe mit frier hant
Verse: 4    und ouch der herren <uz> richer habe

Verse: 5    Git nieman nicht, daz selde ist gar.
Verse: 6    slint in dich da ein fluches wort,
Verse: 7    in solcher wise hie und dort
Verse: 8    ist daz din nam wirt missevar.

Strophe: 22_[B] 
Verse: 1    Ich singe und sage iu immerme:
Verse: 2    we iu <...> ir kargen zagen!

Verse: 3    Wie mag daz gut iu tun so we,
Verse: 4    damit ir möchtet wol pris bejagen?

Verse: 5    Ir soltet immer danken gote,
Verse: 6    daz er daz gut bescherte iu ie,
Verse: 7    damit ir möchtet erwerben hie,
Verse: 8    daz man iuch hieze ʽfroun Eren bote'.

Strophe: 23_[c] 
Verse: 1    Wie tun die richen edelen so,
Verse: 2    daz sie nicht hoher eren samen?

Verse: 3    Man ist & <der> buze todes & fro;
Verse: 4    des möchten sich die lebenden schamen.

Verse: 5    Sit nicht wan ere zu mere wirt,
Verse: 6    swaz alle werlt zu handeln hat,
Verse: 7    wol im, der ez so hinder im lat,
Verse: 8    daz ez trost sinem namen birt.

Strophe: 24_[A] 
Verse: 1    Swer me wil wizzen, dann er weiz,
Verse: 2    und me wil kunnen, dann er kan,

Verse: 3    Der muz verdulden schanden sweiz
Verse: 4    und ist ein unbesinter man.

Verse: 5    Wirt apfelmus uz bonenblut?
Verse: 6    zahi, wer tanzet? valerei!
Verse: 7    trif dri, so gilte ich dir die zwei!
Verse: 8    bi pfifen were ein swigen gut.

Strophe: 25_[B] 
Verse: 1    Der star ein rede wol lernen mag.
Verse: 2    sprich, Dietrich: ʽsetze mir den stul'.

Verse: 3    Der worte sin und ir bejag,
Verse: 4    daz fromt im nicht um einen pful.

Verse: 5    Sust ist er & <der> genaden & fri:
Verse: 6    der redende geist nach der vernunst
Verse: 7    git und nimt im der worte kunst
Verse: 8    und meldet, waz darinne si.

Strophe: 26_[C] 
Verse: 1    Der vogel sprichet und ^enweiz
Verse: 2    nicht^, [ ] waz sin sprechen diuten mag.

Verse: 3    Sust mangem ist min sprechen kreiz
Verse: 4    und claffet als ein hamerslag.

Verse: 5    <...>
Verse: 6    <...>   nicht, waz er tut
Verse: 7    und leistet doch sins herren mut.
Verse: 8    nu trif, nu traf, der stoc & sich wirt &.

Strophe: 27 
Verse: 1    Ein berc Etna genennet wirt
Verse: 2    durchliuchtig unde flammenrich.

Verse: 3    In creftigliche glut verbirt,
Verse: 4    und brinnet nicht wan sin selbes tich.

Verse: 5    Den berc geliche ich einem man,
Verse: 6    der haz in sinem herzen treit,
Verse: 7    davon er selber trinket leit,
Verse: 8    und fürbaz schaden nicht enkan.

Strophe: 28 
Verse: 1    Ein slange uz einem ise slouf,
Verse: 2    ir leben was von froste kranc.

Verse: 3    Do quam ein man und hub sie uf
Verse: 4    und trug sie heim. daz was ir danc:

Verse: 5    & [ ] <Do er> ^sie schutte' & bi der glut
Verse: 6    und [ ] sie erhitzen do began,
Verse: 7    ir gift sie aber do gewan
Verse: 8    und schoz, als noch der böse tut.

Strophe: 29_[a] 
Verse: 1    Durch got swer triuwe in herzen habe,
Verse: 2    der laze sie nimmer von im komen.

Verse: 3    Swer an der triuwe lazet abe,
Verse: 4    der hat den scharfen tot genomen.

Verse: 5    Triuwe ist ein spiegel, den der man
Verse: 6    vor im gein aller werlte treit.
Verse: 7    triuwe ist daz himelische cleit,
Verse: 8    daz uns got hat gesniten an.

Strophe: 30_[b] 
Verse: 1    Triuwe ist der werlte bestez gut
Verse: 2    und ist des himels hoher vrome.

Verse: 3    Ir edeln, sliezet zu den mut,
Verse: 4    daz untriuwe icht darin bekome.

Verse: 5    Swelch herze ein untriuwe in sich lat,
Verse: 6    meil unde flecke lat sie da,
Verse: 7    würde er von tusent jaren gra,
Verse: 8    daz er dannoch die masen hat.

Strophe: 31_[c] 
Verse: 1    Vil edeler, süzer, starker got,
Verse: 2    man bezzert wol gein dir ein ding,

Verse: 3    Daz dannoch ist der liute spot.
Verse: 4    sich uf, getriuwer jungeling,

Verse: 5    Hüte dich vor ungetriuwer tat!
Verse: 6    begast du sie, So wirt beschaben
Verse: 7    din nennen, so du bist begraben,
Verse: 8    swie ^dirz doch got^ vergeben hat.

Strophe: 32 
Verse: 1    Ich danke im als ich widerkome,
Verse: 2    swer mich in spotte grüzen wil.

Verse: 3    Mir komt von & grozem lichter ein ome,
Verse: 4    e daz sins heils geregenet vil.

Verse: 5    Unkunde ist selden richer gunst,
Verse: 6    doch wolte ich <ie> der kunde enbern,
Verse: 7    swa man den gast wil e gewern,
Verse: 8    swie gar geheimet si min kunst.

Strophe: 33_[a] 
Verse: 1    & ^We, armer! übermütig [ ]^ traz &,
Verse: 2    wa lit din tegelichez brot?

Verse: 3    Snel ist hin durch ein guft <der> schaz,
Verse: 4    und koufest du dir erste not.

Verse: 5    Den du mit güfte vor verlür,
Verse: 6    do dir ein clamer morgen schein,
Verse: 7    er lat <...> ruschen an den stein
Verse: 8    und komt mit senfterunge für.

Strophe: 34_[b] 
Verse: 1    Armut, ich wil nicht wizzen, waz
Verse: 2    [ ] du [ ] <...> leides hast getan.

Verse: 3    Ez were wunderlich, sunder haz,
Verse: 4    möchte ez nach sinem willen gan:

Verse: 5    Waz tete er danne, und hete er gut?
Verse: 6    so pfuchte er als ein eberswin.
Verse: 7    Armut, du müzest selig sin,
Verse: 8    du stillest manigen übermut.

Strophe: 35_[c] 
Verse: 1    Hei, hei, Gelücke, waz du kanst!
Verse: 2    pfiu dich, so du nicht ebene wilt,

Verse: 3    Swem du der rechten schiben ganst
Verse: 4    und der stat [ ] hinter dinem schilt.

Verse: 5    Din stürmen <gat> wol uf, wol abe,
Verse: 6    din treffen hat niur einen sin:
Verse: 7    daz ist vil maneges ungewin,
Verse: 8    des gan die alten bi dem stabe.

Strophe: 36 
Verse: 1    Ir edelen süzen frouwen gut,
Verse: 2    tut nach der alten wirdikeit!

Verse: 3    Swer nie [ ] <truc> ritterlichen mut,
Verse: 4    den lat iu immer wesen leit!

Verse: 5    Ez was ie guter frouwen site:
Verse: 6    swer ritterliche fuge trage,
Verse: 7    den lieblich grüzet alle tage,
Verse: 8    so volget iu frou Selde mite.

Strophe: 37 
Verse: 1    Ir hohen frouwen, ir reinen wip,
Verse: 2    ich han des recht, daz ich iu sage,

Verse: 3    Waz mag getiuren iuwern lip
Verse: 4    ie baz und baz von tage zu tage:

Verse: 5    Daz eine von der andern icht
Verse: 6    mit willen höre ein swachez wort,
Verse: 7    sie schütze hie und decke dort.
Verse: 8    daz ist ein süze zuversicht.

Strophe: 38 
Verse: 1    Ich weiz nicht, waz ich sprechen sol,
Verse: 2    nenne ich sie engel oder wip?

Verse: 3    Von mute ein engel, [ ] spriche ich wol.
Verse: 4    swenn aber des reinen wibes lip

Verse: 5    Mit tugenden wirket wibes recht,
Verse: 6    beide engel unde wip sie si,
Verse: 7    des namen lat sie nieman fri,
Verse: 8    der name der ist ir eben und slecht.

Strophe: *39 
Verse: 1    Wol mich, daz ich sie han gesehen,
Verse: 2    von der ich hohen trost enphie.

Verse: 3    Der ganzen warheit muz ich jehen:
Verse: 4    ein schöner wip gesach ich nie.

Verse: 5    Ach, herre got, gefüge sie mir,
Verse: 6    daz sie mir werde zu rechter e
Verse: 7    uf diser werld und nie wan me.
Verse: 8    nach minem ende so habe sie dir.

Strophe: 40 
Verse: 1    Ich spriche ez wol uf minen eit,
Verse: 2    daz in der werlde [ ] nicht enist,

Verse: 3    Daz alle sorge und allez leit
Verse: 4    vertiuren müge mit süzer list

Verse: 5    Baz dann ein rein, trut, selig wip.
Verse: 6    ahi, wie wolgemut ein man
Verse: 7    muz sin, swenn sie in lachet an!
Verse: 8    den spiegel heize ich leitvertrib.

Strophe: *41 
Verse: 1    Sich unde merke, ein selic wip,
Verse: 2    wer dir zu fröuden wol behage

Verse: 3    Und der mit züchten sinen lip
Verse: 4    hat ummeverwet alle tage:

Verse: 5    Sus sich dir minnet mannes mut.
Verse: 6    ob din ein richer arger gert,
Verse: 7    der ist nicht eines lones wert:
Verse: 8    habe dir din ere, laz im sin gut.

Strophe: 42 
Verse: 1    Wip, sit du loser blicke bist,
Verse: 2    als dich von art ist angeborn,

Verse: 3    Ich wil dich leren einen list,
Verse: 4    daz wandel win an dir verkorn:

Verse: 5    Wis diner blicke nicht zu bald.
Verse: 6    wan da du spürest zucht der jugent
Verse: 7    oder ritterliches herzen tugent,
Verse: 8    da wis mit blicken wol gestalt.

Strophe: 43 
Verse: 1    Solte ein verlegen geteling
Verse: 2    den frouwen also wol behagen,

Verse: 3    Der nie sin lip uf einen ring
Verse: 4    gefurte [ ] durch ein prisbejagen,

Verse: 5    Als einer, der lip unde gut
Verse: 6    durch frouwen ere wagen tar,
Verse: 7    ez si in schimpf oder ernstgefar:
Verse: 8    daz were ein ungefüger mut.

Strophe: 44 
Verse: 1    Sit vrouwen güte und ritterschaft
Verse: 2    mit innicheit einander gern,

Verse: 3    So zimet [ ] wol ir beider craft,
Verse: 4    daz <sie> einander so gewern:

Verse: 5    [ ] <Swa> güte danke biderber tat,
Verse: 6    da solde ritterschaft sich zern
Verse: 7    durch gut zu hohen prises kern.
Verse: 8    solch mut vil lobes erworben hat.

Strophe: 45_[a] 
Verse: 1    Frouwe, an dem bette sunder scham
Verse: 2    soltu bi liebem friunde sin.

Verse: 3    Ez wart nie vrouwen man so gram,
Verse: 4    tut sie im solche fuge schin,

Verse: 5    Ez muz ersenften sinen mut.
Verse: 6    swa sich nu lieb gein liebe schamt,
Verse: 7    da hat die minne nicht vol ir amt:
Verse: 8    scham grozer liebe unsanfte tut.

Strophe: 46_[b] 
Verse: 1    Kein lieb sol scham gein liebe han,
Verse: 2    daz rate ich uf die triuwe min,

Verse: 3    So wirt in fröude kunt getan
Verse: 4    mit ganzer liebe sunder pin.

Verse: 5    Swa lieb gein liebe schame hat,
Verse: 6    da enmag nicht rechter triuwe sin bi.
Verse: 7    lieb sol mit liebe wesen vri,
Verse: 8    soz nieman sehe, daz ist min rat.

Strophe: 47_[A] 
Strophe: 1    Ein rechter minner der sol han
Verse: 1    zucht und da bi bescheidenheit.

Verse: 2    Er sol ouch stete undertan
Verse: 3    sin einer minneclicher meit,

Verse: 4    Die im erhöhe sinen mut
Verse: 5    mit rechter liebe sunder pin.
Verse: 6    so wirt im minne und vuge schin,
Verse: 7    ob er ez tougenlichen tut.

Strophe: 48_[B] 
Verse: 1    Er sol ouch balt mit worten sin
Verse: 2    gein siner vrouwen minneclich,

Verse: 3    Und ouch mit werken sunder pin,
Verse: 4    so wirt er lichte fröudenrich.

Verse: 5    Grift er ez vesteclichen an,
Verse: 6    im mag da pris vil wol beschehen,
Verse: 7    sust hört man ie die wisen jehen,
Verse: 8    wil er durch böse triuwe nicht lan.

Strophe: 49 
Verse: 1    Also ein frouwe geflammet sich,
Verse: 2    daz hat [ ] <getichen> tougen brant.

Verse: 3    Heimliche liebe diuhe in dich,
Verse: 4    daz din geberde <icht> werde erkant

Verse: 5    Wan dem, der din zu rechte pflege!
Verse: 6    dem liebe dich, swie wol du wilt,
Verse: 7    und schirme ^al bloz^, <gar> ane schilt,
Verse: 8    da sich din scham zurücke lege!

Strophe: 50 
Verse: 1    Swie stetes mutes ein vrouwe si,
Verse: 2    sint ir geberde wilder site,

Verse: 3    Man wenet, da si wandel bi:
Verse: 4    dem reizel volget lage mite.

Verse: 5    Sust ieslich ding sin zeichen hat,
Verse: 6    ^da bi ez wirt den liuten kunt.
Verse: 7    zucht decket dicke swachen grunt,^
Verse: 8    ein gut geberde wol an stat.

Strophe: 51 
Verse: 1    Des liebe muz ouch verscheiden sin,
Verse: 2    dem freude [ ] swindet ane not.

Verse: 3    Mir jach mins herzen keiserin,
Verse: 4    die triuwe die were nahen tot,

Verse: 5    Da sich die minne <an hete> entzunt.
Verse: 6    untriuwe hat des war genomen.
Verse: 7    wie balde ein zwifeler ist komen!
Verse: 8    des valwet manig roter munt.

Strophe: 52_[a] 
Verse: 1    Frouwe, ich wil dir ein fuge sagen:
Verse: 2    du habe nicht, daz du wolfeil gebest.

Verse: 3    Wis tiure, so macht du behagen,
Verse: 4    und lobe got, die wile du lebest.

Verse: 5    Ez si din blic oder din gruz,
Verse: 6    ez si <din> wort, ez si <din> site,
Verse: 7    da macht du dich getiuren mite,
Verse: 8    daz sorge von dir swinden muz.

Strophe: 53_[b] 
Verse: 1    Wolfeile untiuret alle ding,
Verse: 2    daz man sie ringes koufes git.

Verse: 3    Wolfeile treit der schanden ursprinc,
Verse: 4    wolfeile treit allen eren nit.

Verse: 5    Nie ding so tiure wart gesehen,
Verse: 6    man möchte ez so wolfeile geben,
Verse: 7    daz ez gewunne ein swachez leben.
Verse: 8    des sicht man leider vil geschehen.

Strophe: 54_[c] 
Verse: 1    Swelch wip durch miete liebe hat,
Verse: 2    der taget nicht rechter liebe tag.

Verse: 3    Dabi so gibe ich einen rat:
Verse: 4    man koufe sie, so man nehest mag.

Verse: 5    Des darf die rechte liebe nicht:
Verse: 6    & die tratzet niur & uf lustig art,
Verse: 7    wan daz ir ere sie bewart
Verse: 8    in also minniglicher schicht.

Strophe: 55_[d] 
Verse: 1    Hüt iuch, ir minniglichen wip,
Verse: 2    daz miete iuch icht zu koufe trage.

Verse: 3    Swenn also zarter, lieber lip
Verse: 4    wolfeile wirt, ouwe der clage!

Verse: 5    Gar allen schaz vertrüge ich baz,
Verse: 6    wan der <unwibe> ist also vil;
Verse: 7    der ich doch keine nennen wil:
Verse: 8    der schaz treit allen eren haz.

Strophe: 56_[A] 
Verse: 1    Wol drier hande hohen mut
Verse: 2    ein man durch frouwen haben sol.

Verse: 3    Der eine ist also wol behut
Verse: 4    und tut doch uzer mazen wol:

Verse: 5    Ein stolzer man leget sinen sin,
Verse: 6    daz er daz sicherlichen weiz,
Verse: 7    daz im wert immer tröstlich geheiz
Verse: 8    ir angesichte uf den gewin.

Strophe: 57_[B] 
Verse: 1    Den andern <hohen> mut ich sage:
Verse: 2    <ein> man [ ] durch liebe reine wip

Verse: 3    Heimlichen werbe alle tage,
Verse: 4    durch hoffen, daz ir zarter lip

Verse: 5    Im sende trost und zwifel doch
Verse: 6    - daz witzet unde sterket mut -
Verse: 7    und daz er so menlichen tut
Verse: 8    uf ritterlicher minne joch.

Strophe: 58_[C] 
Verse: 1    Swenn man daz angesichte hat
Verse: 2    enpfangen und daz lustlich fro,

Verse: 3    Darnach heimliches herzen rat
Verse: 4    durch hoffen, ez [ ] geschehe also,

Verse: 5    <Die> dritte freude ist, daz ein man
Verse: 6    gewarnet si, daz sinen lip
Verse: 7    heile ein gefioliertez wip
Verse: 8    mit steter liebe, als <sie> im gan.

Strophe: 59 
Verse: 1    Ein paradis der reinikeit,
Verse: 2    ein zuckergarte der süzen tat,

Verse: 3    Ein schilt für allez herzenleit,
Verse: 4    der anders nicht wan gutes hat,

Verse: 5    Daz bistu, frouwe, ein selig wib.
Verse: 6    ja, wol ein <gut> gedanc ist daz:
Verse: 7    ja wart nie man uf erden baz,
Verse: 8    wan der lit bi ir wizen lip.

Strophe: 60 
Verse: 1    Frouwe, ob dir got icht gutes gan,
Verse: 2    daz dir ein man wirt zu der e,

Verse: 3    So günne im, daz er si ein man,
Verse: 4    dun macht in nicht [ ] getiuren me.

Verse: 5    Und hastu, frou, hie frouwen zucht,
Verse: 6    [ ] daz du <ouch> nicht bekrenkest in
Verse: 7    und swechest dines prises gewin,
Verse: 8    da hüte <dich> vor, vil [ ] süze frucht.



Next part


This text is part of the TITUS edition of Heinrich von Meissen, Frauenlob.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.