TITUS
Hartmann, Iwein
Part No. 5
Previous part

Verse group: (5) 
Verse: 401    ein breitez geriute
Verse: 402    âne die liute.

Verse: 403    da gesach ich mir vil leide
Verse: 404    ein swære ougenweide,

Verse: 405    aller der tiere hande
Verse: 406    die man mir ie genande,

Verse: 407    vehten unde ringen
Verse: 408    mit eislîchen dingen.

Verse: 409    da vahten mit grimme
Verse: 410    mit griulicher stimme

Verse: 411    wisente und ûrrinder.
Verse: 412    dô gehabt ich hinder,

Verse: 413    und rou mich daz ich dar was komen
Verse: 414    und heten sî mîn war genomen,

Verse: 415    sone triut ich mich anders niht erwern,
Verse: 416    wan ich bat mich got genern.

Verse: 417    vil gerne wold ich von dan.
Verse: 418    dô gesach ich sitzen einen man

Verse: 419    in almitten under in
Verse: 420    daz getrôste mir den sin.

Verse: 421    dô ich aber im nâher kam
Verse: 422    und ich sîn rehte war genam,

Verse: 423    dô vorht ich in alsô sêre
Verse: 424    sam diu tier, ode mêre.

Verse: 425    sîn menneschlîch bilde
Verse: 426    was anders harte wilde:

Verse: 427    er was einem Môre gelîch,
Verse: 428    michel unde als eislîch

Verse: 429    daz ez niemen wol geloubet.
Verse: 430    zewâre im was sîn houbet

Verse: 431    grœzer dan einem ûre.
Verse: 432    ez hete der gebûre

Verse: 433    ein ragendez hâr ruozvar:
Verse: 434    daz was im vast unde gar

Verse: 435    verwalken zuo der swarte
Verse: 436    an houbet unde an barte,

Verse: 437    sin antlütze was wol ellen breit,
Verse: 438    mit grôzen runzen beleit

Verse: 439    ouch wâren im diu ôren
Verse: 440    als einem walttôren

Verse: 441    vermieset zewâre
Verse: 442    mit spannelangem hâre,

Verse: 443    breit alsam ein wanne.
Verse: 444    dem ungevüegen manne

Verse: 445    wâren granen unde brâ
Verse: 446    lanc rûch unde grâ;

Verse: 447    diu nase als einem ohsen grôz,
Verse: 448    kurz, wît, niender blôz;

Verse: 449    daz antlütze dürre und vlach;
Verse: 450    (ouwî wie eislîch er sach!)

Verse: 451    diu ougen rôt, zornvar.
Verse: 452    der munt hate im gar

Verse: 453    bêdenthalp diu wangen
Verse: 454    mit wîte bevangen.

Verse: 455    er was starke gezan,
Verse: 456    als ein eber, niht als ein man:

Verse: 457    ûzerhalp des mundes tür
Verse: 458    rageten sî im her vür,

Verse: 459    lanc, scharpf, grôz, breit.
Verse: 460    im was daz houbet geleit

Verse: 461    daz im sîn rûhez kinnebein
Verse: 462    gewahsen zuo den brusten schein.

Verse: 463    sîn rücke was im ûf gezogen,
Verse: 464    hoveroht und ûz gebogen.

Verse: 465    er truoc an seltsæniu cleit:
Verse: 466    zwô hiute het er an geleit:

Verse: 467    die heter in niuiven stunden
Verse: 468    zwein tieren abe geschunden.

Verse: 469    er truoc einn kolben alsô grôz
Verse: 470    daz mich da bî im verdrôz.

Verse: 471    Dô ich im alsô nâhen kam
Verse: 472    daz er mîn wol war genam,

Verse: 473    zehant sach ich in ûf stân
Verse: 474    unde nâhen zuo mir gân.

Verse: 475    weder wider mich sin muot
Verse: 476    wære übel ode guot,

Verse: 477    desn weste ich niht die wârheit,
Verse: 478    und was iedoch ze wer bereit.

Verse: 479    weder er ensprach noch ich.
Verse: 480    dô er sweic, dô versach ich mich

Verse: 481    daz er ein stumbe wære,
Verse: 482    und bat mir sagen mære.

Verse: 483    ich sprach 'bistu übel ode guot?'
Verse: 484    er sprach 'swer mir niene tuot,

Verse: 485    der sol ouch mich ze vriunde hân.'
Verse: 486    'mahtû mich danne wizzen lân,

Verse: 487    waz crêatiure bistû?'
Verse: 488    'ein man, als dû gesihest nû.'

Verse: 489    'nû sage mir waz dîn ambet sî.'
Verse: 490    'dâ stân ich disen tieren bî.'

Verse: 491    'nû sage mir, tuont sî dir iht?'
Verse: 492    'sî lobetenz, tæt ich în niht.'

Verse: 493    'entriuwen vürhtent sî dich?'
Verse: 494    'ich pflige ir, und sî vürhtent mich

Verse: 495    als ir meister unde ir herren.'
Verse: 496    'sage, waz mac in gewerren

Verse: 497    dîn meisterschaft und dîn huote,
Verse: 498    sine loufen nâch ir muote

Verse: 499    ze walde und ze gevilde?
Verse: 500    wan ich sihe wol, sî sint wilde,

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.