TITUS
Lancelot und Ginover I: Prosalancelot
Part No. 9
Previous part

Page: (26) 
Sentence: 97    Der konig Ban was off den bergk gestanden, wann er begeret sere die burgk zu sehen die im als lieb was.
Sentence: 98    - Nu mußen wir laßen beliben die rede von dem konig und sprechen furbas von dem truchseßen, wie er dethe.
Sentence: 99    Also spricht die rede furbas:
Sentence: 100    als schier als der konig Ban gescheiden was von syner burg zu Trebe, dem truchseßsen was nit vergessen wie er und Claudas gelobet hetten.
Sentence: 101    Er hub sich ußerm tor zu Claudas und sagt im:
Sentence: 102    »Herre Claudas, ich bring dir gute mere, das nye manne syn ding so recht kamen; wollent ir mir leisten das ir mir gelobet hant, so mögent ir zuhant die burgk gewinnen on alle wiedderzal.« »Wie möcht das gsyn«, sprach Claudas, »wo ist dann der konig Ban?« »Werlich«, sprach er, »der konig hatt die burg gelaßen, er und myn frauw und ein knecht, und nit me lute hant sie mit yn und sint hinweg zu dem konig Artus.« »Nu gib mir off die burg!« sprach Claudas, »ich wil dir sie wiedder off geben zu lehen und alles das lant darumb; und diß sol geschehen an sunnentag so man gesinget, da alle myn man by sint.« Da wart der truchses sere fro und sagt im wiedder:
Sentence: 103    »Herre, ich fare wiedder und entschließen uch alle die porten und sagen das wir fried haben und das sie allsampt rugen, wann sie hant groß ungemach geduldet mit húten der burg.
Sentence: 104    Als ir in der burg sint, ir und all uwer lút, so solt ir zu dem festesten thurn faren zu allererste, so mogent ir die burg gewinnen on wiedderzale!« Alsus sprach der verreter zu Claudas und reyt wiedder zur burg.
Sentence: 105    Als er darinn kam, da begegent im ein ritter, der des konigs Bans pate was, der ein sere stolcz man was; der hut alle die nacht der burgk gewapent.
Sentence: 106    Da er sah das der truchses von ußen kam herrinn geritten, da fragt er yn wannen er qweme und warumb er uß wer geritten zu der zytt.
Sentence: 107    »Ich kum von Claudas«, sprach der verreter, »und han gewunnen einen fried mym herren dem konig, und Claudas hatt yn gemacht.« Da der ritter das gehort, da begunde im syn hercz zu bydemmen, und er hett große sorg vor verretniß.
Sentence: 108    Da sprach er alsus:

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.