TITUS
Lancelot und Ginover I: Prosalancelot
Part No. 8
Previous part

Page: (24) 
Sentence: 81    Aldenselben weg reyt der konig uß und die koniginn uff zweyn pferden sanfft gande und schon, und ein knecht mit yn der wol kunde dienen.
Sentence: 82    Der furt das kint vor im in eyner wiegen.
Sentence: 83    Der konig det mit im lauffen eynen garczun, der furt mit ein roß von hohem prise, und der knecht furt im synen schilt, und der garczun saß off das roß und treib vor im seymer und furt sins herren glene in der hant; die sömer warn geladen mit schönheit und mit guldinen vaßen und mit silberin und mit großem schacze.
Sentence: 84    Und der konig hatt an synen halßberg und sin hosen und syn rytkappen daruber und reyt zu allerhinderst; und so lang rytten sie das sie kamen uß dem gebrúche und kamen in eynen walt.
Sentence: 85    Da sie wol zwo myln in den walt hetten geritten, da kamen sie in ein schön lant, da hien der konig dick komen was.
Sentence: 86    So ferre reyt der konig und sin gesellschafft das er kam off einen lac, der stund an dem ingange von dem lande an eim hohen reyn, daroff man alles das lant mocht beschauwen; da was es schön tag an der morgenstunde.
Sentence: 87    Da sprach der konig, er wolt alda beyten biß das der tag liechter wurd.
Sentence: 88    Da erbeizt er von sym pferd und ging den berg oben schauwen ob er von dannen kúnde syn burgk gesehen, die er mynnete vor all syn ander burg.
Sentence: 89    Auch ducht yn das in aller der welt kein so gute enwere.
Sentence: 90    So lang beytet der konig das der tag clare wart, und saß off syn roß und ließ die koniginn und ir geselschafft uff dem lac, der vil groß was.
Sentence: 91    Der lack was von heidenischen zytten geheißen Dyanen Lak.
Sentence: 92    Dyana was koniginn zu Sicilien by Virgilius gezyten, der gut auctor was.
Sentence: 93    Da hielten sie die ungleubigen lut fur ein göttin.
Sentence: 94    Es enwart nye frauw die also sere mynnet gejegcz zu wald als sie det.
Sentence: 95    Der walt ging vor all die felde von Gaune, und all tag wolt sie darinn jagen; darumb hießen sie die ungläubigen die göttin von dem Walde.
Sentence: 96    Das was ein der lustigste walt von Kleynen Brytanien, wann er was nicht wann zehen engelscher mylen langk und siebener breyt, und er was genant der walt in dem Tal.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.