TITUS
Sachsenspiegel
Part No. 32
Previous part

Chapter: VI 
VI. Waz erbe si. Welche schult der man gelden (sal). Welcher schult man den man inren unde nicht inren solle. Waz man deme erbin gelden sal.


Paragraph: 1.     Mit welcheme gute der man stirbit, daz heizit alles erbe.
Paragraph: 2.     Wer so daz erbe nimt, der sal durch recht de schult gelden also verre, alse daz erbe gewert an varender habe. Dube noch roup noch topilspil en iz her nicht phlichtig zu geldene, noch keine schult der her nicht widerstatunge en had adir burge waz. Die schult sal der man gelden, ab her ez geinret wirt alse recht iz mit zwen unde sobenzig mannen, die alle schephenbare sint adir echte geborne laten.
Paragraph: 3.     Waz aber ein man weiz, des en darf man in nicht inren mit gezuge, ab der man sines gezuges wil abgen unde in beschuldiget umme sine wissenschaft zu lantrechte adir zu lenrechte. Der sal bekennen unde leisten adir louken unde da vor sweren.
Paragraph: 4.     Man sal ouch den erben gelden waz man deme toden schuldig waz.
Paragraph: 5.     Die schult, de der man selben schuldig iz, der en darf man en nicht inren, her sal ir bekennen adir louken.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.