TITUS
Sachsenspiegel
Part No. 34
Previous part

Chapter: VIII 
VIII. Wie man ein gegeben ader ein gesatzt eigen ader einem manne an sinen gesunt, lip, recht, sone, orvede gezugen solle. Von des vronenboten zuge, buze, wergelde.


Paragraph: 1.     Wor man aber eigen gibit adir setzt ader einem manne gezugen wil an sin recht ader an sinen lip ader an sin gesunt, daz der man vor gerichte verlobit habe ader im verteilet si, des muz der richter selbe sibende sogetaner lute, der im orteil vinden, gezug sin.
Paragraph: 2.     Des vronenboten gezug stet vor zwene man, ab manz bedarf, da man mit sobin mannen gezugen sal. Sin buze ist ouch zweivalt unde sin wergelt nach siner gebort sint der zit daz her zu vronenboten gekoren wirt.
Paragraph: 3.     Sone adir orvede, de der man vor gerichte tut, gezuget man mit deme richter unde mit zwen mannen. Gezuget her si abir ane gerichte, her muz gezugen selbe sobende der, den man de sone adir orvede tete.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.