TITUS
Sachsenspiegel
Part No. 117
Previous part

Chapter: XXI 
XXI. Uf wen daz gebuwe, daz uf zinsgute, lene, lipgedinge stet, erbet.


Paragraph: 1.     Der zinsman, wer her si, erbit sin gebuwe uf sine erben uffe zinsgute, ez en si ein man von ritters art, der ez sime wibe zu morgengabe gegeben habe.-
Paragraph: 2.     Wirt ez ouch ledig eime herren, der nimt daz gebuwe mit samit deme lene, der man en habe wip der herz zu morgengabe habe gegeben.
Paragraph: 3.     Hat ouch eines mannes wip lipgedinge an eigene adir an lene, waz si gebuwes dar uffe hat, wan si stirbit, daz en erbit si nicht an iren nesten mag, ez nimt der, deme daz gut ledig wirt. Wen itlich man muz wol sin gebuwe besseren unde ergeren uf sime lene wider sines herren willen, also muz de vrowe ir lipgedinge.
Paragraph: 4.     Hat ouch der man einen son, der sin lenerbe iz unde nicht sin erbe nach lantrechte, her behelt doch sines vater gebuwe uf sime lene mit merem rechte, wen der, der sin erbe ist nach lantrechte.
Paragraph: 5.     Liet ein herre gut einem marine sunder undirschet, waz da gebuwes uffe ist, daz iz des mannes mit samit deme gute, alse ez des herren waz, her en bescheide ez uz.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.