TITUS
Sachsenspiegel
Part No. 125
Previous part

Chapter: XXIX 
XXIX. Weme in wassere icht zuvluzit.


Paragraph: 1.     Weme eines anderen mannes habe, daz varende habe heizt, in wazzere zufluzit, der sal si ieneme wider geben, daz her sich dar zu zie alse recht iz, unde her im sine kost gelde nach guter lute kore. Her sal si ouch ufbiten unde halden unvertan sechz wochen. Vragit dar imant nach, her sal ez bekennen. Loukent herz, alse man dar nach vragit, so ist ez duplich, ab man ez sedir bi im vint, unde muz ez mit buze unde mit gewette wider geben, wenne herz duplich behalden hat. Keine dube en hat her abir dar an getan, die im an sine ere adir an sinen lip adir an sin gesunt ge, wen herz unduplich unde unrouplich uz von ienes mannes geweren bracht hat.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.