TITUS
Sachsenspiegel
Part No. 124
Previous part

Chapter: XXVIII 
XXVIII. Wer deme anderen schadet an holtze, graze, wesen. Welch wazzer gemeine si. Wie verre der vischer daz stat nutzen moze.


Paragraph: 1.     Wer holtz howt adir gras snit ader vischet eines anderen mannes wazzere an wilder wage, sin wandil sint dri schillinge. Den schaden gildit her uf recht.
Paragraph: 2.     Vischet abir her in tichen, de begraben sin, adir howt her holtz, daz gesatzt iz, adir fruchtbare bowme, adir bricht her obiz adir howt her malboume adir grebit her marksteine uf, her muz dri(zig) schillinge gebin. Vint (man) in an der tat, man muz in wol phenden adir ufhalden vor den schaden ane des richteres orlob.
Paragraph: 3.     Wer des nachtes gehowen graz adir gehowen holtz stilt, daz sal man richten mit der weden. Stilt herz des tages, ez get im zu hut unde zu hare.
Paragraph: 4.     Welch wasser strames vlut hat, daz ist gemeine zu varene unde zu vischene dar inne. Der vischer muz ouch wol daz ertriche nutzen, also verne alse her uz deme schiffe eines geschriten mag von deme rechten stade.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.