TITUS
Sachsenspiegel
Part No. 123
Previous part

Chapter: XXVII 
XXVII. Von zolle unde geleite. Wer unrechten weg slet, ab her daz phendens wert.


Paragraph: 1.     Wer bruckezol adir wazzerzol entphuret, der sal in viervalt gelden. Wer marktzol entphuret, der sal drisig schillinge geben. Vier vuzgengere geben einen phenning, einer der da ritet, gibit einen halben phenning, ein geladen wain gibit vier phenninge wider unde vort zu varende. Diz ist wasserzol. Zu bruckzolle gibit man den halben teil.
Paragraph: 2.     Phaffen unde rittere unde ir gesinde sollen sin zolles vri. (Itlich man sal ouch wesen zolles vri,) her vare, rite adir ge, wa her schiffes nicht bedarf ader brucken, unde mit rechte si her geleites vri, wor her sines libis unde sines gutes sich trosten wil. Weme her abir geleite gibit, der sal in schaden bewaren binnen sime geleite adir her sal im gelden.
Paragraph: 3.     Ein ungeladen wagen gibit halben zol kegen eime geladenen, der halbe wagen den halben teil.
Paragraph: 4.     Wer ungerechten weg vert obir gebuwet lant, der gibit vor itlich rat einen phenning, der ritene man einen halben, unde sollen den schaden gelden, ab da saet uffe stet, da vor muz man se wol phenden. Weren se abir daz phant wider recht, man bestetiget se mit dem geruchte. So muzen se besseren daz geruchte mit dren schillingen unde muzen doch phandes recht ton.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.