TITUS
Sachsenspiegel
Part No. 143
Previous part

Chapter: XLVII 
XLVII. Wer sin vie uf des anderen korn tribet adir uf eine andere marke. Wer uf ungewunnen lant vert.


Paragraph: 1.     Wer sin vie tribit uf eines anderen mannes korn adir graz, her sal im gelden sinen schaden uf recht unde buzen mit dren schillingen.
Paragraph: 2.     Ist abir her da zu kegenwerte nicht, da daz vie schadet, unde wirt ez gephendet, den schaden sal her gelden, des daz vie ist, ab man in zuhant bewiset nach der bure kore, unde sechz phenninge gibit itlicher vor sin vie zu buze.
Paragraph: 3.     Ist daz vie alsogetan, daz manz nicht getriben mag, alse phert, daz remsch iz, adir gense adir bere, so lade her da zu zwene man unde bewise en sinen schaden unde volge deme vi in sines herren huz unde schuldige in dar umme, so muz her besseren vor daz vie, alse ab ez gephant were.
Paragraph: 4.     Wer sin vie tribit uf eine andere marke uf gemeine weide, wirt her gephendit, her gibit sechz phenninge.
Paragraph: 5.     Ungewunnen lant, wer dar ubir vert, ez en si ein gehegit wiese, der blibit ez ane wandel.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.