TITUS
Sachsenspiegel
Part No. 160
Previous part

Chapter: LXIV 
LXIV. Wer mit geruchte klagen sal.


Paragraph: 1.     Wip adir mait, de not vor gerichte klaget, de sollen klagen mit geruchte durch de handhaften tat unde durch de not, die se dar bewisen sollen.
Paragraph: 2.     Die ouch mit dube ader mit roube gevangen vor gerichte brengen, die sollen klagen mit geruchte durch die hanthaften tat, de se mit den luten vor brengen.
Paragraph: 3.     Die ouch toden vor gerichte brengen unde klaget daz ungerichte, daz an im geschen ist, die sollen klagen die hanthaften tat mit geruchte, die da schinbare iz.
Paragraph: 4.     Wer ouch beroubit iz unde [en] weiz, war sin roub hin gevurt iz, wil her, daz im der richter volge da hin, her muz in mit geruchte da hin laden unde klagen mit geruchte durch de hanthaften tat, die her da bewisen wil.
Paragraph: 5.     Wor kein hanthafte tat iz, da muz man sunder geruchte klagen, ab man ez ane schaden bliben wil.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.