TITUS
Sachsenspiegel
Part No. 161
Previous part

Chapter: LXV 
LXV. Ab ein kint binnen sinen iaren totet einen man adir schaden tut. Wer ein kint totet adir slet.


Paragraph: 1.     Kein kint mag binnen sinen iaren geton, da ez sinen lip mete verwerken muge. Slet ez einen man adir belemet ez in, sin vormunde sal ez besseren mit ienis wergelde, ab ez uf in gebracht wirt. Welchen schaden ez tot, den sal her gelden nach sime werde mit des kindes gute.
Paragraph: 2.     Slet abir ein man ein kint tot, her sal sin vulle wergelt geben. Slet abir (ein man) ein kint adir roufet herz ader slet herz mit besemen durch sine missetat, her blibit ez ane wandel, tat herz geweren uffe den heiligen, daz herz durch anders nicht geslagen habe, den durch sine missetat.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.