TITUS
Sachsenspiegel
Part No. 172
Previous part

Chapter: IV 
IV. Wie man gabe adir koufunge an varender habe behalden muge. Wie man gewere unschuldig wirt. Wer zu rechte der koufunge gewere sin sal


Paragraph: 1.     Wer wider heischit, daz her vergeben adir verkouft hat an varender habe, unde loukent her der koufunge ader der gabe, iener der se under im hat, muz se selbdritte wol behalden der, die daz sagen. Mit sulchem gezuge en mag abir kein man den anderen zu geweren gewinnen, ab ein ander man daz gut undir im anevanget, wen her entget im mit siner unschult.
Paragraph: 2.     Wer koufunge bekennet, der sal durch recht gewere sin des, daz her verkouft hat. Wen her [en] iz diep adir diebiz genoz, der koufunge bekent unde der gewere loukent, her en habe se uz gescheiden mit gezuge, do her verkoufte.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.