TITUS
Sachsenspiegel
Part No. 247
Previous part

Chapter: LXXIX 
LXXIX. Waze recht ein herre geburen geben moge, der ein nuwe dorf besetzt. Nach welchem rechte ein uzwendig man dar antwerten solle.


Paragraph: 1.     Wor gebure ein nuwe dorf besetzen von nuwer wortzelen, den mag des dorfes herre wol geben erbezinzrecht, al en sint se zu deme gute nicht geboren. Kein recht mag her in abir geben noch se selben kiesen, da se des landes richtere sin recht mete krenken adir sin gewette mete minren adir meren mugen.
Paragraph: 2.     Kein uzwendig man ist ouch phlichtig in deme dorfe zu antwertene nach irme sunderlichen dorfrechte, sunder nach gemeinem lantrechte, her en klage da uf erbe adir uf gut adir umme schult.
Paragraph: 3.     Wor der man klaget, da muz her antwerten, ab man uf in klaget ane zu kamphe wart.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.