TITUS
Sachsenspiegel
Part No. 267
Previous part

Chapter: VIII 
VIII. Ab zwene man mit eime lene belent sin waz einer ane den anderen thun muge. Waz ire herre in gebiten muge.


Paragraph: 1.     Ob zwene man mit eime lene belent sint unde des gutes ette swaz lien eime manne, er ne weder en mac ane den anderen an deme gute sime manne nicht verteilen noch uflazen sime herren, also daz ez deme anderen schade, de wile se an deme gute unbeteilet sin.
Paragraph: 2.     Der herre muz wol sinen mannen mit orteilen gebeten, de ein gut von im haben, daz se sich binnen sechs wochen entscheiden an irme gute, daz her wisse, uf wen her sinz denstes sich vorse, unde en tun se des nicht, se werden wettehaft dar umme unde man verteilet in ire gut, ob in ire herre mit lenrechte volget.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.