TITUS
Wirnt von Grafenberg, Wigalois
Part No. 86
Previous part

Verse group: (86) 
Verse: 2897    Dô man sîn ernest rehte ersach,
Verse: 2898    der grave zuo dem rîter sprach

Verse: 2899    "herre, bereit iuch dar zuo:
Verse: 2900    kumt her wider morgen vruo,

Verse: 2901    als ir messe habt vernomen,
Verse: 2902    und lâze wir dar zuo komen

Verse: 2903    rîter unde vrouwen,
Verse: 2904    die ez wellen schouwen.

Verse: 2905    sît ir dan sô manhaft,
Verse: 2906    daz ir mir mit rîterschaft

Verse: 2907    den sic muget behaben an,
Verse: 2908    ich wirde iu gerne undertân

Verse: 2909    swes ir mir gebietet,
Verse: 2910    ich vürhte ab ir genietet

Verse: 2911    iuch ê der rîterschefte.
Verse: 2912    irn habt niht ganzer krefte;

Verse: 2913    der sinne sît ir gar ein kint;
Verse: 2914    iuwer kraft diu ist ein wint

Verse: 2915    wider einen starken man,
Verse: 2916    ezn welle got dan understân,

Verse: 2917    ir müezet uns hie lâzen ein pfant."
Verse: 2918    her Gwîgâlois sprach sâ zehant

Verse: 2919    ez müez under uns beiden
Verse: 2920    got ze rehte scheiden;

Verse: 2921    dem wil ichz enpfelhen gar,
Verse: 2922    wand er nam ie des rehten war;

Verse: 2923    ân in kan ich niht strîten.
Verse: 2924    ich wil nu wider rîten

Verse: 2925    mit urloube zer vrouwen mîn.
Verse: 2926    "got müez iu genædic sîn!"

Verse: 2927    sprach diu vrouwe und der man.
Verse: 2928    sus reit her Gwîgâlois von dan
Verse: 2929    mit der mägde wol getân.


Next part


This text is part of the TITUS edition of Wirnt von Grafenberg, Wigalois.

Copyright TITUS Project, Frankfurt a/M, 6.9.2010. No parts of this document may be republished in any form without prior permission by the copyright holder.