TITUS
Alexanderroman (Der Grosse Seelentrost): Part No. 14
Subchapter: 5._Ein_Pfaffe,_der_Zauberei_trieb
5. Ein Pfaffe, der Zauberei trieb
Page: 14
Line: 1
Dat was eyn pape, de hadde sijk angelaten touerye vnde dede vele wunders
Line: 2
myt der hulpe des ouelen geystes. Do was dar eyn jungelingk, de was wolgeborn,
Line: 3
de hadde sin gud togebracht. De quam to dessem papen vnde wart syn
Line: 4
knecht. De pape gaff eme cledere vnde perde vnde penninge. To eyner tijd
Line: 5
ret he myt eme in eynen groten wolt. Do duchte deme jungelinge, dat dar
Line: 6
were eyn water, ouer deme watere was eyn schone borch, dat he nu des
Line: 7
gelike hadde geseen. Do began ome sere to wunderne, wente he er des nu
Line: 8
hadde geseen. Do vragede he, wat borch yd were. De pape sprak: ʼDat ys
Line: 9
mynes heren borch, de my vele gudes heuet gegeuen, dar schole wij vp. Myn
Line: 10
here schal dij rijke maken vnde schalt syn man werden vnde schalt eme
Line: 11
hulden.ʼ Do reden se vor dat water. De wechter an der tynnen fragede, we
Line: 12
dar queme. De pape sprak: ʼHijr kumpt des konninges vrunt.ʼ To hant wart
Line: 13
de porte vpgedan, vnde de brugge wart neder gelaten. Dar quemen vtgegan
Line: 14
wol vertich juncheren, wol gecledet, myt luchtevaten vnde vntfengen se myt
Line: 15
groten eren. Do se in de borch quemen, do gengen en vntegen vorsten vnde
Line: 16
heren vnde rydderschop vnde spreken: ʼWilkome sij des konninges truwe
Line: 17
vrunt.ʼ Do ledden se ene in den palas vor den konningk, de sat dar vp eyme
Line: 18
guldene stole. De konningk stunt vp vnde entfengk den papen myt groten
Line: 19
eren vnde let en bij sijk sitten ghan. Dar na beghan he to vragene der sake,
Line: 20
war vmme se dar komen weren. De pape antworde eme also: ʼHere her
Line: 21
konningk, ik byn here gekomen dor desses knapen willen. De en heft neyn
Line: 22
gud, du schalt ene vntfan to eyme knapen vnde schalt ene rijke maken.ʼ Do
Line: 23
sprak de konningk: ʼGa here vnde val vppe dyne kne!ʼ He dede also. Do sprak
Line: 24
de konningk: ʼWultu mynen willen don, so schaltu spreken also: Ik vorsake
Line: 25
deme vadere vnde deme sone vnde deme hilgen geyste.ʼ Do bedachte sijk de
Line: 26
knape vnde sloch vor sijk dat teken des hilgen cruces vnde sprak: ʼIk beuele
Line: 27
mek deme vadere vnde deme sone vnde dem vilhilgen geyste.ʼ To hant vor
Line: 28
de koningk myt der borch vnde myt al syme ingesinde in dat affgrunde vnde
Line: 29
vorde den papen mede. Also schal yd ghan al den, de myt touerye vmme ghan.
Line: 30
-- Kynt leue, dijt schal dij eyn lere wesen. Noch wil yk dij eyn ander seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
