TITUS
Alexanderroman (Der Grosse Seelentrost): Part No. 16
Subchapter: 7._Bischof_Germanus
7. Bischof Germanus
Line: 3
Dat was eyn hillich bisschup, de hete Germanus, de quam to eyner tijd to
Line: 4
eyner vrouwen hus tor herberge. Des auendes, do de lude slapen scholden gan,
Line: 5
do genk de vruwe to vnde redde ene schone taflen vnde brachte dar vp guder
Line: 6
spise genoch. Do vragede se Germanus, we de spise eten scholde. Do sprak de
Line: 7
fruwe: ʼDesse spise scholet de guden holden hebben. De plegen hijr des nachtes
Line: 8
to wanderne. De wile, dat ik se wol handele, so geyt yd my wol an myner
Line: 9
neringe.ʼ Do sprak Sunte Germanus: ʼVrouwe, hebbe gij se geseen?ʼ ʼJa,ʼ sprak
Line: 10
se, ʼik hebbe se dicke geseen.ʼ Dar gengen de lude alle to bedde, vnde Sunte
Line: 11
Germanus de wakede vnde bat vnsen leuen heren, dat he eren vngelouen
Line: 12
vorsturen wolde. Des nachtes quemen dar de guden holden in dat huß vnde
Line: 13
begunden to eten. Do stunt he vp vnde beswor se bij deme namen vnses heren
Line: 14
Jhesu Christi, dat se nicht van danne scholden gan behaluer synen orloff. Dar
Line: 15
wekkede he de fruwen vnde al dat ingesinde vnde vragede se, oft se de guden
Line: 16
holden wol bekenden. De vrauwe sprak: ʼYa, yk bekenne se wol. Dat ys vnse
Line: 17
bur vnde wonet myt vns in dem dorpe.ʼ Do sprak Sunte Germanus: ʼSendet
Line: 18
boden to eren husen vnde latet vragen, wor se syn.ʼ Do de boden dar quemen,
Line: 19
do funden se de lude vp eren bedden liggene. Do sprak Sunte Germanus to den
Line: 20
guden holden: ʼIk bede juw bij deme namen vnses heren Ihesu Christi, dat gij
Line: 21
vns seggen, we gij syn.ʼ Do spreken se: ʼWij sint alle ouele geyste vnde bedreget
Line: 22
de lude, de nenen gantzen louen hebben.ʼ Do gaff he en orloff vnde se
Line: 23
voren van danne, vnde de vrauwe wart bekart van ereme vngelouen.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
