TITUS
Alexanderroman (Der Grosse Seelentrost): Part No. 32

Subchapter: 17f._Der_reiche_Jüngling 

17f. Der reiche Jüngling


Line: 23 
    Dat was eyn ryke jungelingk, deme wolde syn vader eyn rike wiff geuen.
Line: 24 
    De jungelingk ret to eyner tijd dor eyn dorp. Dar sach he eyne arme junckfruwen
Line: 25 
    stan vnde arbeiden vnde sprak doch ere bedeken vnde dankede vnseme
Line: 26 
    leuen heren vmme alle syne gnade. Do sprak he to er: ʼSegge my, wurumme
Line: 27 
    dankestu gode so sere, na dem male dat he deck nicht grot gud vorlenet heuet.
Line: 28 
    Du dankest gode mer wan mannich mynsche, de sere grot gud van gode
Line: 29 
    entfangen heuet.ʼ Do antwordede eme de junckfruwe vnde sprak: ʼLikerwis
Line: 30 
    also eyn cleyne arcedie helpet bewilen eynem mynschen, dat eme wert grot
Line: 31 
    suntheit, also helpet dem mynschen, deme eyn cleyne gaue wol to dancke ys,
Line: 32 
    dat eme dar na god grote gaue gift. Dat en ys nicht cleyne, dat ick van gode
Line: 33 
    vatfangen hebbe. He heuet mek gebildet na sijk suluen. He heuet my vorlenet
Line: 34 
    synne vnde witte. He heuet my geladen to syme ewigen rijke. He heuet
Line: 35 
    my geopenet de porten des hemmelrikes. Darumme schal ik ene billiken louen
Line: 36 
    vnde benedien.ʼ Do de jungelingk dat horde, dat de junckfruwe so wijs was,

Page: 34 
Line: 1 
    do gingk he vnde bat eren vader, dat he se eme wolde geuen to eyner husfruwen.
Line: 2 
    De vader sprak: ʼGij sint rijke vnde ek byn arm, dat en voget juw nicht, dat
Line: 3 
    gij myne dochter nemen. Vnde ik byn eyn olt man vnde en hebbe anders neyn
Line: 4 
    kint, darumme en wil ik er nicht vnberen.ʼ De junckhere sprak: ʼGeuet se my,
Line: 5 
    ik wil hijr myt er bliuen in juweme huß vnde wil al myner frunde vortigen.ʼ
Line: 6 
    Also dede he vnde nam de junckfruwen vnde bleff al dar vnde vortech synes
Line: 7 
    vader vnde syner moder vnde synes landes. Do de jungelingk dar lange hadde
Line: 8 
    gewesen, do en de gude man wol vorsocht hadde, do ledde he en in syne
Line: 9 
    kameren vnde wisede eme eynen groten schat van suluere vnde van golde vnde
Line: 10 
    gauen eme alto male.
Line: 11 
    Do sprak Josaphat to Barlamme: ʼDesse mere kumpt my wol euene. Ik wil
Line: 12 
    vortigen mynes vader vnde mynes gudes dorch godes willen, de mek gheschapen
Line: 13 
    heuet vnde na sik gebildet heuet vnde wil eme yummer dancken vnde louen
Line: 14 
    vnde benedien vmme alle syne gaue, de he my vorlenet heuet vnde wil myt
Line: 15 
    dij varen in de wostenie.ʼ Do sprak Barlam: ʼTo dessem male en machstu
Line: 16 
    nicht myt my wanderen. Hir na, su wan god wil, so schaltu my wol vinden.ʼ
Line: 17 
    Dar dofte he ene. Do nam he orloff van eme. Do begunden se beyde to wenen
Line: 18 
    vnde vmme beuengen sijk myt armen vnde kusten sijk. Also scheide Barlam
Line: 19 
    van em, vnde Josaphat wart bedrouet vnde en wart nummer mer vro. Deme
Line: 20 
    vader wart dijt to wetene, dat Barlam dar gewesen hadde vnde ene gedoft
Line: 21 
    hadde vnde wart des sere bedrouet vnde genck to rade, wo he ene mochte
Line: 22 
    wedder umme don, dat he van deme cristenen louen lete. Do sprak ein knape
Line: 23 
    to deme konninge: ʼIk bekenne eyne, de ys Barlam sere gelijk, den wil wij to
Line: 24 
    eme senden. De schal spreken, dat he Barlam sij vnde dat he eme vnrechte
Line: 25 
    geleret hebbe.ʼ Do yenne to em quam, do sprak Yosaphat to eme: ʼSegge my,
Line: 26 
    bistu Barlam ?ʼ ʼJa,ʼ sprak he, ʼik bin Barlam.ʼ Do sprak Josaphat: ʼDu weist
Line: 27 
    wol, wu du my geleret hefst. Sprekestu my icht anders to, ik wil dij dore
Line: 28 
    steken myt eyme swerde, dat du neines koninges kind mer bedrugest.ʼ Do
Line: 29 
    wart de yenne vorueret vnde en dorste nicht spreken wedder den cristenen
Line: 30 
    louen. Do predekede eme Josaphat also lange vore, dat he ock cristen wart.
Line: 31 
    Do de vader dat horde, do genk he auer to rade. Do sprak eyn ratgeuer:
Line: 32 
    ʼKonningk, du en machst ene nummer vmme don wen myt schonen fruwen
Line: 33 
    vnde junckfruwen. De bedregen eynen man, dat he dat kumme bewaren
Line: 34 
    mach. Dar van wil ek dij eyn bispel seggen:




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.