TITUS
Alexanderroman (Der Grosse Seelentrost): Part No. 35
Chapter: DAS_ZWEITE_GEBOT
DAS ZWEITE GEBOT
Page: 38
Line: 1
Vader leue, yk bidde juw dorch vnsen heren god, leret my, welk ys dat andere
Line: 2
bot. Kynt leue, ik wil dat gerne leren dij, vppe dat du god biddest vor my.
Line: 3
Dat andere bot ys dijt: Non assumes nomen dei tui inanum. Mynsche, du ne
Line: 4
schalt den namen dynes godes nicht vorgeues nemen an dynen munt noch
Line: 5
vnnutliken. Dijt schaltu vornemen mannigerhande wijs: Mynsche, du ne
Line: 6
schalt dynen munt nicht dar to wenen, dat he vnnutliken swere bij vnseme
Line: 7
heren gode, bij der martelie godes, bij deme dode godes, bij deme lychamme godes,
Line: 8
bij deme blode edder des gelijk. Dat ys vnseme leuen heren torne. Dar van
Line: 9
wil ik dij eyn bilde seggen:
Subchapter: 1._Ein_Ritter,_der_gerne_schwur
1. Ein Ritter, der gerne schwur
Line: 10
Dat was eyn rydder, de hadde synen munt dar to gewenet, dat he gerne plach
Line: 11
to swerne vnde swor yo biden ogen godes. Dat gescha, dat he sat vnde spelde
Line: 12
vppe deme worptafele vnde swor, alse he vore wone was, bij den ogen godes.
Line: 13
Seit, wat geschach dar: Dar vellen eme syne ogen beide vt syme houede vnde
Line: 14
vellen vor eme vp dat bret vnde blef blint alle syne leuedage. -- Kynt leue, lat dij dijt
Line: 15
eyn lere wesen, vnde en wene dynen munt nicht to vnnutten eyden.
Line: 16
Kynt leue, du en schalt nicht vnrechte sweren vp de hilgen, wente yd ys sere
Line: 17
varlik der sele. Wenne du twe vingere legest vp de hilgen, so geuestu beide
Line: 18
lijff vnde sele deme sichtigen duuele. Dat du dre vingere letest nedder hangen
Line: 19
in der hant, dat meynet also vele, dat du werst gesundert vt der hilgen dreualdicheit,
Line: 20
dat ys van dem vader vnde van deme sone vnde van deme hilgen
Line: 21
geiste. Kynt leue, hijr van wil ik dij eyn bilde seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
