TITUS
Alexanderroman (Der Grosse Seelentrost): Part No. 38

Subchapter: 4._S._Nikolaus_als_Bürge 

4. S. Nikolaus als Bürge


Line: 13 
    Dat was eyn cristen man, de quam to eyme ioden vnde wolde gut van eme
Line: 14 
    borgen. Do vragede he den joden, ofte he wolde Sunte Nicolause to borgen
Line: 15 
    hebben. De yode sprak, eme genogede wol an Sunte Nicolao. He dede eme
Line: 16 
    dat gut. Dar na, do sin tijd quam, do mande he en. He sprak, he hedde eme
Line: 17 
    vorgulden. Se quemen vor dat gerichte, de cristene scholde deme yoden
Line: 18 
    sweren. Do hadde he eynen staff gemaket, de was bynnen hol vnde was vul
Line: 19 
    goldes gegoten. Den staff dede he dem joden to holdene also lange, bit he
Line: 20 
    gesworen hadde. Dar swor he vp de hilgen, dat he em mer geuen hadde, wan
Line: 21 
    he eme schuldich was. Do he gesworen hadde, do nam he den staff wedder
Line: 22 
    vnde vor to huß. Do he vp deme wege vur, do vntslep he vnde vel van deme
Line: 23 
    wagene vnde de wagen trad en to dode, vnde de staff brak mydden vntwey
Line: 24 
    vnde dat gole vel vt. Dar ware de valsheit openbar. Dar was beyde lijff vnde
Line: 25 
    sele vorloren, en hedde Sunte Nicolaus eme nicht sunderliken gehulpen. Do
Line: 26 
    de lude de warheit segen, do segeden se yd deme yoden, dat he dat golt scholde
Line: 27 
    nemen. De yode sprak: ʼYs dat also, dat Sunte Nycolaus desseme dat leuent
Line: 28 
    wedder gift, so wil ik de dope vntfan, vnde he schal my myne schult gelden.ʼ
Line: 29 
    Dat geschach. De dode wart leuendich, vnde de jode wart cristen, vnde alle,
Line: 30 
    de dat vornemen, de endorsten neyne listlike eyde mer sweren. -- Kynt leue,
Line: 31 
    dijt lat dij eyn lere wesen vnde beware dij vor alsulken eyden.
Line: 32 
    Kynt leue, du en schalt neynen bosen eyt sweren, den du nicht holden machst.
Line: 33 
    Swerestu, wat boses to donde, des en schaltu nicht holden, vnde edder du

Page: 40 
Line: 1 
    swerest, dat du eynen mynschen slan woldest edder doden edder nummer
Line: 2 
    nicht gudes don, den eyt schaltu nicht holden. Auer du schalt dyne bote
Line: 3 
    darumme entfan, dat du so gesworen heuest. Suwe sogedane eyde holden
Line: 4 
    wolde, de dede grote sunde. Dar van wil ik dij eyn bilde seggen:




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.