TITUS
Alexanderroman (Der Grosse Seelentrost): Part No. 39
Subchapter: 5._Der_Eid_des_Herodes
5. Der Eid des Herodes
Line: 5
Konningk Herodes nam synem brodere syn wiff. Darumme straffede en Sunte
Line: 6
Johannes Baptista. Do leit he en leggen in den kerkenere. To eyner tijd hadde
Line: 7
he eyne grote blitschap. Do quam der fruwen dochter vnde spelede vor den
Line: 8
gesten. Do sprak de konningk to er: ʼBidde, wat du wult, dat wil ik dij geuen,
Line: 9
vnde bedestu my vmme myn koningkrike halff,ʼ vnde swor, dat he er dat don
Line: 10
wolde. Do gink de dochter vnde vragede de moder, wat se bidden scholde.
Line: 11
Do sprak de moder: ʼDu schalt bidden, dat men dij geue Sunte Johannes
Line: 12
Baptisten houet in eyme vate.ʼ Dar genk se to Herodes vnde bat vmme Sunte
Line: 13
Johannes houet. Do en wolde he synen eyd nicht breken vnde leit eme dat
Line: 14
houet affslan. De eyd was bosliken sworen vnde basliken geleystet. Kint
Line: 15
leue, vor sogedanen eyden schaltu dijk bewaren.
Line: 16
Kynt leue, du en schalt neynen mynschen laten meyneyt sweren, offt du dat
Line: 17
bewaren machst. Ys dat also, dat sik eyn mynsche to den hilgen budet vnde
Line: 18
wil vnrecht sweren, lat eme den eyt dorch god, vppe dat god dij alle dynen
Line: 19
broke leite. Bistu so bose vnde so hart, dat du en lest vnrechte sweren, du deist
Line: 20
gode torne. Dar van wil ik dij eyn bilde seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
