TITUS
Alexanderroman (Der Grosse Seelentrost): Part No. 43
Subchapter: 9._Das_Keuschheitsgelübde
9. Das Keuschheitsgelübde
Line: 31
Dat was eyn gud man, de hadde eyne bederue fruwen. De deden beyde eyne
Line: 32
louede, dat se ere kusheit wolden halden. Dar na geschach dat, dat de man de
Page: 42
Line: 1
louede brak tegen der bederuen fruwen willen. Do wart se vnduldich vnde
Line: 2
sprak: ʼDe duuel hebbe de vrucht, de my hijr getelet wert.ʼ Do de tijd quarn,
Line: 3
do wart er eyn sone. Do he twelff jar alt wart, do quam de vient to der fruwen
Line: 4
vnde sprak: ʼGift my wedder myn kint, dat myn ys. Berede dijk dar to, ouer
Line: 5
dre jar, so wil ik dat hebben.ʼ De fruwe de wart van herten sere bedrouet.
Line: 6
Wan se dat kint ansach, so beghan se to weynen. Dat begunde dat kint to
Line: 7
merkene vnde vragede se dicke, worumme dat dat were. Se en woldes eme
Line: 8
nicht seggen. De sone en leit nicht aff, he woldet yummer weten. Do segede se
Line: 9
em alle sake. He makede sijk vp vnde leip hen to dem pauwese vnde clagede
Line: 10
eme syne nod. De pauwes gaff eme synen breff vnde sande en to deme bisschuppe
Line: 11
to Iherusalem. De bisschup sande ene vort to eme hilgen eynsedelinge.
Line: 12
Do he den breff ansach, do sprak he: ʼDijt sint sware mere. Wij moten vnse
Line: 13
leuen fruwen Sunte Marien anropen, dat se dij to hulpe kome.ʼ Do de dach
Line: 14
quam, alse he dat kint wolde hebben, do beredde sijk de hilge man vnde
Line: 15
sangk mysse vnde satte dat kint twisschen sijk vnde dat altar vnde bat vnse
Line: 16
leuen fruwen, dat se deme kinde to hulpe queme. Do dat stilnisse gedan wart
Line: 17
vnde to deme Pater noster gekomen was, do quam de vient vnde nam dat
Line: 18
kint vnde vordet enwech. Do quam vnse leue fruwe vnde namet ome wedder.
Line: 19
Do he sprak: ʼPax domini sit semper vobiscum,ʼ do stunt dat kint bij eme vnde
Line: 20
sprak: ʼEt cum spiritu tuo.ʼ Do desse misse vte was, do vragede he, wo eme
Line: 21
geschen were. He segede, dat en de vient hedde geuoret to der helle. ʼDo
Line: 22
quam vnse leue fruwe vnde nam my eme wedder.ʼ Do sande he dat kint
Line: 23
wedder to syner moder. -- Kynt leue, dijt schal dij en lere sin, vnde su, wat du
Line: 24
louest.
Line: 25
Kynt leue, wultu dijt ander bot holden, so ne schaltu gode noch synen hilgen
Line: 26
nicht beschympen noch bespotten, wente myt den hilgen ys bose spotten.
Line: 27
Dar van wil ik dij eyn bilde seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
