TITUS
Alexanderroman (Der Grosse Seelentrost): Part No. 42
Subchapter: 8._Das_Gelübde_eines_Pfaffen
8. Das Gelübde eines Pfaffen
Line: 13
Dat was eyn pape, de hadde eyn bister leuent. Do quam eyn broder, de was
Line: 14
syn frunt, vnde de manede ene, dat he sijk bedachte vnde sijk bekarde. Dar
Line: 15
louede he gode, dat he sijk bekeren wolde, vnde he endede des nicht. Do
Line: 16
he dijt lange vorgetogen hadde, do wart he sek. Do sande he na jeneme brodere.
Line: 17
De quam vnde hopede, dat he sijk wolde begeuen vnde syne louede leisten.
Line: 18
Do rep jenne luder stemme: ʼO we, leue vader myn, biddet vor my. Hijr
Line: 19
stan twey swarte beren, de willen my vreten.ʼ Do vel de broder myt syme
Line: 20
gesellen vpp ere kne vnde beden vor en. Do sprak jenne: ʼJuwe bet heft my
Line: 21
geloset.ʼ Do sprak de broder: ʼFrunt myn, wultu dyne louede noch icht leisten?ʼ
Line: 22
He ne woldes nicht don. Darna beghan he auer to ropen: ʼO we, hijr kumpt
Line: 23
eyn grot vur, dat wil my vorbernen. Biddet god vor my!ʼ Do beden se auer
Line: 24
vor en vnde he wart des vures loß. Do vormaneden se en auer syner louede.
Line: 25
He enwolder auer nicht lesten. Do quam he van sijk suluen vnde lach, alse
Line: 26
he dod were vnde wart gebracht vor dat richte. Do quam he wedder, do he
Line: 27
hadde vor gerichte gewesen, vnde rep: ʼO we, hijr komet twene duuele, de
Line: 28
bringet eyne gloyendige pannen, dar jnne willen se my braden. Seit, nu werpen
Line: 29
se my dar in!ʼ Dar mede gaff he synen ende vp. -- Kynt leue, lat dij dijt eyn
Line: 30
lere syn. Noch wil ik dij eyn ander seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
