Dat was eyn bagyne, de hadde eyne wonheit, dat se den benediden namen
Line: 25
vnses heren Yhesu Christi sere plach to erene vnde to nomene myt groter
Line: 26
innicheit. Dat geschach, dat eyn bose wicht quam vnde bekarde se. Do he
Line: 27
vordan hadde, wat he hebben mochte, do leit he se vnderwegen, vnde se wart
Line: 28
bister vnde eyn openbar sunderinne, mer dan twe vnde twintich jar. Nochtan
Line: 29
so erede se io den namen vnses leuen heren, vnde in deme sunnauende newolde
Line: 30
se neyne sunde don. Dat geschach to eyner tijd in vnser leuen fruwen dage to
Line: 31
lechtmyssen, do en wolde se neyne sunde don vnde genk in eynes mannes
Line: 32
schune vnde hudde sijk in deme stro. Des nachtes wart se geuoret vor dat
Line: 33
gerichte godes. Do sach se eyn grot vur, dar warp men alle de sundere in, de
Line: 34
dar quemen. Dar bij was eyn tempel, dar in gingen alle de guden. Do leip se
Page: 47
Line: 1
to deme temple vnde wolde dar in. Dar stunt vnse here vor der dore vnde
Line: 2
stotte se wedder vt. Do reip se, alse se gewonet was: ʼJhesus Cristus!ʼ Do wart
Line: 3
se geworpen in dat vur. Do se in deme vure lach, do rep se vnse leuen fruwen
Line: 4
an. Dar quam vnse leue fruwe vnde sprak to ereme leuen kinde: ʼO herte leue
Line: 5
sone, yrbarme dijk ouer dusse sunderynnen vnde denke dar an, dat se
Line: 6
dynen namen gerne plach to nomene vnde mynen auent to erene.ʼ Do gebot
Line: 7
vnse here, dat men se wedder vte deme vure scholde then vnde laten se ghan,
Line: 8
dat se ere sunde wandele vnde ere leuent betere. Dar hadde de fruwe so yamerliken
Line: 9
geropen, dat alle, de in deme houe weren, quemen tolopene vnde vunden
Line: 10
se dar vnde vrageden, wat er were. Do was al ere licham, oft he vorbrant were.
Line: 11
Se beterde ere leuent vnde wart eyn gud mynsche. -- Kint leue, dijt schal dij
Line: 12
eyn lere syn, dat du den namen godes gerne nomen schalt vnde eren.
Line: 13
Kynt leue, du schalt den benediden namen godes gerne anropen, wente he
Line: 14
sterket den mynschen in allen pynen, de eme boren to lidene dorch godes
Line: 15
willen. Wo mochten de hilgen mertelere so grote pyne hebben geleden, en
Line: 16
hedde se de benedide name godes nicht gesterket. Hijr van wil ek dij eyn bilde
Line: 17
seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
