TITUS
Alexanderroman (Der Grosse Seelentrost): Part No. 79
Subchapter: 12._Eine_versagte_Totenmesse
12. Eine versagte Totenmesse
Line: 6
Dat was eyn man, de wolde godes wort nicht gerne horen. Wan men beghan
Line: 7
to predekene, so genk he yo vte der kerken edder stunt vnde kolsede vnder der
Line: 8
predekate edder sat vnde slep. Dat geschach dar na, do he dot was vnde vp der
Line: 9
baren stunt, do de prester ouer eme laß dat beth, dat men plecht to lesene
Line: 10
ouer den mynschen, wan men ene begrauen schal, so biddet de prester vor den
Line: 11
doden. Do stunt dar eyn cruce, dat bilde nam sine hende van deme cruce vnde
Line: 12
helt se vor beyde oren. Do de prester dat sach, do horde he vp vnde newolde
Line: 13
nicht mer lesen vnde bidden vnde sprak to den luden: ʼWat helpet, dat wi vele
Line: 14
bidden vor dessen man. God ne wil syn beth nicht horen; de wile he leuede,
Line: 15
wolde he godes wort nicht horen.ʼ -- Kynt leue, lat dij dijt eyn lere syn vnde
Line: 16
hore gerne godes wort.
Line: 17
Kynt leue, du schalt godes wort nicht hinderen. Du ne schalt vnder der predekate
Line: 18
nicht runen, nicht weynen, nicht lesen, nicht to handen hebben, dar de
Line: 19
predekere mede werden gehinderet vnde andere lude, de godes wort gerne horen.
Line: 20
Dar van wil ik dij eyn bilde seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
