TITUS
Alexanderroman (Der Grosse Seelentrost): Part No. 84
Subchapter: 16._Zwei_Predigerbrüder_und_Maria
16. Zwei Predigerbrüder und Maria
Line: 7
Twe brodere scholden ghan to eme dorpe. Do quemen se to eynem watere,
Line: 8
dar ne was neyn schep. Do segen se ouer dem watere an da anderen siden
Line: 9
eyn schep stan. Do sprak de ene: ʼSchep, ik bede dij bij dem worde godes, dat
Line: 10
wij denken to predekene, dat du komest vnde halest vns ouer.ʼ Tohant quam
Line: 11
dat schep to en vletene ouer dat water, dar tredal se in. Do enhadden se neynen
Line: 12
remen. Su, dar quam eyn junckfruwe springene bouen van dem berge, de
Line: 13
was wol van achteyn jaren, de hadde eynen remen vp ereme halse, vnde trad
Line: 14
in dat schep vnde vorde se ouer. Do ne segen se er nicht mer. Dar dankeden se
Line: 15
vnseme leuen heren vnde vnser leuen fruwen vnde gengen in dat dorp vnde
Line: 16
predekeden godes wort. -- Kynt leue, dijt hebbe ik dij geseget, vppe dat du
Line: 17
deste groter leue hebbest to deme worde godes. Noch wil ik dij eyn ander seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
