TITUS
Alexanderroman (Der Grosse Seelentrost): Part No. 98

Subchapter: 30._Die_Tränen_Christi 

30. Die Tränen Christi


Line: 24 
    Kynt leue, noch wil ik dij leren veyr bedeken van den bitteren tranen vnses
Line: 25 
    heren Ihesu Christi, de he to ver tiden dorch vnsen willen wenet heuet. De
Line: 26 
    bedeken machstu ock spreken, oftu wult, wan du leddich bist.
Line: 27 
    De ersten trane wenede vnse leue here, do he erst geboren wart van syner
Line: 28 
    moder Iyue. Der trane behouede he nicht, sunder he wenede se dorch vnser
Line: 29 
    sunde willen. Der kindeschen trane schaltu eme danken vnde bidden vnde
Line: 30 
    manen, dat he dij vorgeue alle dyne kindeschen sunde, de du beghan heffst
Line: 31 
    van dyner kintheit bitte an desse jegenwardige tijd, vnde sprek aldus:

Line: 32 
    Ik danke dij, benedide here Ihesu Christ,
Line: 33 
    Wente du myn god vnde myn heylant bist,
Line: 34 
    Dat du dorch mynen willen vppe desser erden
Line: 35 
    So arm eyn mynsche woldest werden.
Line: 36 
    Dat du in snoden doken wordest bewunden,

Page: 92 
Line: 1 
    Dat du to hant an der ersten stunden,
Line: 2 
    Do du wordest geboren van Sunte Marien,
Line: 3 
    Dorch mynen willen woldest wenen vnde scrygen.
Line: 4 
    Al dyn leuen bitte in den dot
Line: 5 
    Was nicht mer wan armode, pine vnde nod.
Line: 6 
    Eyn arm junckfruwe was dyn moder,
Line: 7 
    Eyn arm tymmerman was dyn hoder.
Line: 8 
    Dyn weghe was eyn hart krubbe van stene,
Line: 9 
    Dyn huß was allen luden gemene,
Line: 10 
    Vppe dat dijk vinden mochte al gelike
Line: 11 
    Ghut, bose, arm vnde rijke.
Line: 12 
    Wente du newult nemende vorsman,
Line: 13 
    Du wult se alle to dyner gnade vntfan.
Line: 14 
    Darumme segge ik dij loff vnde ere,
Line: 15 
    Benedide Ihesu, herte leue here,
Line: 16 
    Vnde mane dijk bij deme ersten kindeschen wenen,
Line: 17 
    Dat du mi ruweghe trane rokes to vorlenen,
Line: 18 
    Dat ik bewenen mote alle myne sunde,
Line: 19 
    De ik ju begingk wente an desse jegenwardige stunde.

Line: 20 
    De anderen trane wenede vnse leue here, do he Lazarus weckede van deme
Line: 21 
    dode. Do he Sunte Marien Magdalenen wenen sach vnde ere suster Marten,
Line: 22 
    do yrbarmede he sijk vnde wenede myt en. He hadde veyr dage dot gelegen
Line: 23 
    vnde stank in deme graue. Dar weneden se ouer. Michel mer schalmen bewenen,
Line: 24 
    wan de sele steruet an houet sunden vnde stinket vor gode noch mer, wen
Line: 25 
    eyn aas vor den luden. Darumme schole wij vnsen heren bidden, dat he vns
Line: 26 
    geue ruwege trane, dat wij vnse sunde bewenen vnde spreken aldus:

Line: 27 
    Ik danke dij, benedide here Ihesu Crist,
Line: 28 
    Wente du myn god vnde myn heylant bist,
Line: 29 
    Dat du bittere trane woldest wenen
Line: 30 
    Myt Sunte Marien Magdalenen,
Line: 31 
    Do er broder Lazarus in deme graue dot lach
Line: 32 
    Vnde stanck also eyn aas bitte in den verden dach.
Line: 33 
    Also hebbe ik alle myne dage wente an desse stunde
Line: 34 
    Ghelegen in deme graue der stinckenden sunde,
Line: 35 
    Vnde ik byn des leyder gar vngewijs,

Page: 93 
Line: 1 
    Wer myn sele leuendich edder dot ys.
Line: 2 
    Weder ik gij gein dingk gedede, leue here,
Line: 3 
    Dat dyner benediden godheit anneme were.
Line: 4 
    Weder ik vorleuen moge eynen haluen dach,
Line: 5 
    Dat ik arme mynsche des nicht weten nemach,
Line: 6 
    Weder ik, leue here, an dynen hulden sij,
Line: 7 
    Edder du dijk getornet hebbest vppe my.
Line: 8 
    Weder ik hore to deme ewigen rijke dine,
Line: 9 
    Edder to der grundelosen helle pine.
Line: 10 
    Bringk my, leue here, in sodane achte,
Line: 11 
    Dat ik myt ruwegen tranen allet dijt betrachte,
Line: 12 
    Vnde gijff my gnade alle myne sunde bewenen,
Line: 13 
    Also du dedest Sunte Marien Magdalenen.
Line: 14 
    Vnde lat my, leue here, nummer sternen,
Line: 15 
    Ik en mote erst dvne hulde erweruen

Line: 16 
    De drydden trane wenede vnse leue here in palme dage, do he red
Line: 17 
    yppe deme esele to der stad to Jherusalem. Do he de sach, do wenede
Line: 18 
    he van rechter barmherticheit den yamer, de der stad scholde ouer
Line: 19 
    ghan. Also scholde wij bewenen van rechter barmherticheit, wan wij
Line: 20 
    seen den kummer vnde de droffnisse vnses euenen kristenen, vppe dat
Line: 21 
    sijk god ouer vns yrbarme in vnser lesten nod. Vnde de gnade ne moge
Line: 22 
    wij nicht hebben, god ne wille se vns geuen. Darumme schole wij en bydden
Line: 23 
    vnde spreken aldus:

Line: 24 
    Ik danke dij, benedide here Ihesu Crist,
Line: 25 
    Wente du myn god vnde myn heylant bist,
Line: 26 
    Dat dyn barmherticheit ys so grot,
Line: 27 
    Dat du bewenen woldest dyner vyende nod,
Line: 28 
    De dar weren to Jerusalem in der stad.
Line: 29 
    Van groter barmherticheit dedestu, leue here, dat.
Line: 30 
    Dat geschach, sote Ihesus, to den tijden,
Line: 31 
    Do du dar quemest vppe eme esele ryden.
Line: 32 
    Se entfengen dij also eynen heren
Line: 33 
    Vnde verworpen dij myt groten vneren.
Line: 34 
    Se hadden dij myt bloman vnde myt palmen vntfan,
Line: 35 
    Dar na leten se dijk schentliken to der stupe slan.

Page: 94 
Line: 1 
    Se boden dijk noch groter laster vnde smaheit,
Line: 2 
    Dan yu eyn mynsche vppe desseme ertrike leit.
Line: 3 
    Se hadden dij also eynen konningk vntfangen
Line: 4 
    Vnde leten dij also eynen deff an eyn cruce hangen.
Line: 5 
    Nochtan was dyn barmherticheit to en so grot,
Line: 6 
    Dat du bitterliken bewenen woldest ere nod.
Line: 7 
    Bij den bitteren tranen so mane ik, here, dij:
Line: 8 
    Kere dyne groten barmherticheit to my.
Line: 9 
    Gijff my de gnade, dat ik my also mote yrbarmen
Line: 10 
    Ouer alle bedrouede vnde ouer alle armen,
Line: 11 
    Dat my dyn barmherticheit mote to troste werden,
Line: 12 
    Wan myn arme sele scheden schal van desser erden.

Line: 13 
    De verden trane wenede vnse leue here an deme cruce, do he synen hemmelschen
Line: 14 
    vader vor vns bat. Dat dede he van groter leue, de he to vns hadde, de
Line: 15 
    he vns bewisede wente in synen dot, wente he den bitteren dot leit dorch
Line: 16 
    vnser leue willen vnde starff vor vns, do wij nochtan syne viende weren.
Line: 17 
    Hijr an genogede eme nicht, he newolde vns ock leue bewisen na syneme dode:
Line: 18 
    Darumme so vor he to hemmele vnde vorde de naren syner wunden myt sijk,
Line: 19 
    vppe dat he se syneme hemmelschen vader mochte wysen vnde bidden vor
Line: 20 
    vns. Hirumme schaltu gode spreken dijt beth:   

Line: 21 
    Ik danke dij, benedide here Ihesus Crist,
Line: 22 
    Wente du myn god vnde myn heylant bist,
Line: 23 
    Dat dyn leue to my was so vullenkomen grot,
Line: 24 
    De du my bewiset heuest wente in dynen dot.
Line: 25 
    Dat du an dyneme cruce an der lesten stunde
Line: 26 
    Bittere trane wenen woldest vor myne sunde,
Line: 27 
    Do du dynen hemelschen vader vor my bedest
Line: 28 
    Vnde so bittere pyne vor my ledest.
Line: 29 
    Wente nu ne wart groter leue,
Line: 30 
    Dan eyn mynsche syn leuent vor synen frunt geue.
Line: 31 
    Auer dyn leue was bouen alle leue ouer grot,
Line: 32 
    Wente du geuest dij vor dine viende in den dot.
Line: 33 
    Bouen alle dyne pine vnde all dyn herte seer
Line: 34 
    Heuestu my dyne leue bewiset noch mer,
Line: 35 
    In deme dat du to hemele bist geuaren
Line: 36 
    Vnde heuest behalden dyne bitteren wunden naren,
Line: 37 
    Vppe dat du dynen hemmelschen vader to allen stunden
Line: 38 
    Manen vnde bidden mogest vor myne sunde.
Line: 39 
    Bij der groten leue so mane ik, leue here, dij:
Line: 40 
    Kere dyne groten barmherticheit to my.
Line: 41 
    Gijff my de gnade, benedide leue here,

Page: 95 
Line: 1 
    Dat ik dyne benediden martere also ere,
Line: 2 
    Dat se my to troste kome in myner lesten nod
Line: 3 
    Vnde beware my vor den ewigen dot.

Line: 4 
    Kynt leue, wan du to der kerken komest, dar ne schaltu nicht spreken noch
Line: 5 
    runen, wente alle de vnnutten wort vnde de achtersprake, de de lude in der
Line: 6 
    kerken spreken, de scrift de ouele gheyst vnde wel se dij vore werpen in deme
Line: 7 
    jungesten richte. Dar van wil ik dij eyn bilde seggen:




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.