TITUS
Alexanderroman (Der Grosse Seelentrost): Part No. 101

Subchapter: 32a._Exempel_zu_Gloria_in_excelsis 

32a. Exempel zu Gloria in excelsis


Line: 29 
    Do vnse leue here Ihesus Christus geboren was, in der suluen stunde sungen de
Line: 30 
    hilgen engele: Gloria in excelsis deo, et in terra pax hominibus bone voluntatis.
Line: 31 
    Dat sprekt so vele: Ere sij gode in deme hemmelschen throne, dat ys:
Line: 32 
    in deme hemelrike, vnde in deme ertrike sij vrede den luden, de van eme guden

Page: 96 
Line: 1 
    willen syn. Also vere sungen dat de engele. Dat dar na volget, dat dichtede
Line: 2 
    Sunte Hylarius van deme heite eynes pauweses, de hette Cellesporus, vnde
Line: 3 
    sprikt also: Laudamus te: Wij louen dij, wij benedien dij, wij anbeden dij, wij
Line: 4 
    eren dij, wij danken dij dorch dyner groten ere willen. Here god, hemmelsche
Line: 5 
    konningk, god vader alweldich, here enborne sone Ihesu Christe, here god
Line: 6 
    godes lam, eyn sone des vaderes, de dar hyn nymst der werlde sunde, yrbarme
Line: 7 
    dijk ouer vns, de dar hyn nymst der werlde sunde, vntfa vnse beth, de dar
Line: 8 
    sittest to der vorderen hant dynes vaders, yrbarme dijk ouer vns! Wente du
Line: 9 
    bist allene hillich. Du bist allene eyn here. Du bist allene alweldich, Ihesu Christe,
Line: 10 
    myt deme hilgen geyste in der ere goddes, dynes hemmelschen vader. Amen.
Line: 11 
    Dijt Gloria in excelsis nemoste to dem ersten male neyn man beghynnen sunder
Line: 12 
    allene de bisschoppe. Dar na quam eyn pawes, de hette Symachus, de sach an
Line: 13 
    de werdicheit des presteres, dat se god getogen heit bouen de engele, in deme
Line: 14 
    dat se synen licham benedien; des en mach en engel nicht don. Darumme satte
Line: 15 
    he, dat alle prestere begynnen mogen dat Gloria in excelsis. -- Dar na volget
Line: 16 
    Dominus vobiscum, so schaltu stan. Wan men de Collecten lest, so machstu
Line: 17 
    liggen ouer de bank, oftu wult. Wan men sprekt: Per dominum nostrum
Line: 18 
    Ihesum Christum, so schaltu vallen vppe dyne kne. Wan men de Epistolen lest,
Line: 19 
    so machstu sitten, oftu wult. Wan men singet dat Gradual na der Epistolen
Line: 20 
    so machstu sitten oftu wult. Wan men singet dat Alleluia, so machstu stan.
Line: 21 
    Wan men singet de Sequencien, so machstu sitten oftu wult. Wan men lest
Line: 22 
    dat Ewangelium, so schaltu stan vnde schalt dynen hot edder dyne kogelen
Line: 23 
    van deme houede nemen. Sunte Elzebe, de wile se junckfruwe was, so plach
Line: 24 
    se de krone van ereme houede to nemene, wan men dat Ewangelium las vnde
Line: 25 
    vnder deme Stilnisse. Wan men dat Ewangelium begynnet, so schaltu dat teken
Line: 26 
    des hilgen cruces vor dij slan. Dat sulue schaltu don, wan dat Ewangelium vte
Line: 27 
    is. De prester vnde dyaken, fursten vnde furstynnen plegen dat bok to kussene,
Line: 28 
    wan dat Ewangelium vte is. Dat menet so vele, dat alle de wort, de se spreken,
Line: 29 
    de scholen so war wesen alse dat hilge Ewangelium. -- Dar na volget de Credo,
Line: 30 
    so schaltu stan. Wan men singet: Ex Maria virgine et homo factus est -- dat
Line: 31 
    sprikt so vele, dat god dorch vnsen willen de mynscheit vntfangen heuet van
Line: 32 
    der reynen maget Sunte Marien -- so schaltu vallen vppe dyne kne vnde schalt
Line: 33 
    van al dvneme herten gode dar umme danken.




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.