TITUS
Alexanderroman (Der Grosse Seelentrost): Part No. 103
Subchapter: 32c._Exempel_zum_Opfer
32c. Exempel zum Opfer
Line: 16
Vnse leue here stunt to eyner tijd in deme temple to Iherusalem vnde sach, dat
Line: 17
vele rijke lude quemen vnde offerden grot offer. Do quam eyn arm wedewe,
Line: 18
de en hadde nicht mer dan twe lutteke penninge, de suluen offerde se. Do
Line: 19
sprak vnse here to synen jungeren, dat de arme wedewe hedde mer geoffert
Line: 20
dan alle rike lude, de dar offerden. Wente de riken hadden genoch vnde mochten
Line: 21
des wol enberen, dat se offerden; vnde desse arme wedewe vntoget erer nottroft
Line: 22
vnde offerde gode. Darumme so ys eynes armen cleyne offer also gud
Line: 23
also eynes riken grote offer.
Line: 24
Kint leue, wan du to offere wult ghan, du neschalt neyne arme fruwen vorsman,
Line: 25
dat du bij en nicht ghan wult, wente god sut mer an din otmodige herte wan
Line: 26
dyn offer. Wat du offerest edder gudes deist, en deistu des nicht myt eneme
Line: 27
otrnodigen herten, dat vorlusesstu altomale, darto begestu dotlike sunde. -- Wan
Line: 28
de offersangk vte ys, dar na so keret sijk de prester to den luden vnde sprekt:
Line: 29
Orate. Dat sprekt so vele, dat he biddet alle de jenne, de dar gesamnet sin, dat
Line: 30
se god vor en bidden, dat dat hilge sacrament, dat he offeren schal -- nicht vor
Line: 31
sijk allene, sunder vor vns allen vnde vor all de sele, de in deme vegeuure sin -dat
Line: 32
yd gode anneme sij. So schaltu vallen vppe dine kne vnde spreken dijt bet:
Line: 33
O benedide leue here Ihesu Crist,
Line: 34
Wente du de benedide hoghe prester bist,
Line: 35
De dijt hilge sacrament erst begunde
Line: 36
An der bitteren martere vor vnse sunde,
Page: 98
Line: 1
Help deme prestere, benedide here sote,
Line: 2
Dat he dijt hilge sacrament so hadelen mote,
Line: 3
Dat yd dij anneme sij vnde vns allen to vromen,
Line: 4
Vnde allen cristenen selen to troste kome. Amen.
Line: 5
Dar na, wan de prester singet: Per omnia secola seculorum, so schaltu stan.
Line: 6
Wan men singet: Gracias agamus domino deo nostro, so val vppe dyne kne
Line: 7
vnde sta wedder up. Wan he singet: Per Christum dominum nostrum, so val
Line: 8
vppe dyne kne vnde sta wedder up. Wan men singet: Sanctus, so sla vor dij
Line: 9
dat teken des hilgen cruces. Dat schaltu ok don, wan men singet: Benedictus
Line: 10
qui venit. Wan men den hilgen licham vphoret, so val vppe dyne kne vnde
Line: 11
sprek dijt bedeken:
Line: 12
O hilge benedide godes lam,
Line: 13
Gelouet vnde benediet sij din hilge licham,
Line: 14
Den du van der benediden Marien vntfengest
Line: 15
Vnde dorch mynen willen an eyn cruce hengest,
Line: 16
Den du alle daghe an des presteres henden
Line: 17
To eyner saligen spise my rokes to senden.
Line: 18
O wunnichlike spise, o leuendige brot,
Line: 19
Kum my to troste an myner lesten nod.
Line: 20
Dar na, wan men den kelk vp heuet, dar dat hilge blot inne ys, so sprek dijt
Line: 21
beth:
Line: 22
O hilge benedide Ihesu milde vnde ghud,
Line: 23
Gelouet vnde benediet sij dyn hilge blot,
Line: 24
Dat du dorch mynen willen to seuen stunden
Line: 25
Ghotest vt alle dynen benediden wunden,
Line: 26
Dat du alle dage in des presteres henden
Line: 27
To eyme saligen dranke my rokes to senden.
Line: 28
O wunnichlike drank, o hilge blot,
Line: 29
Kum mij to troste in myner lesten nod.
Line: 30
Darna so ligge ouer de bank vnde sprek, wat du wult. Wan de prester sprekt:
Line: 31
Nobis, so biddet he vor alle sundere vnde sunderynnen. So kloppe dij vor din
Line: 32
herte vnde bekenne gode, dat du eyn sundere bist vnde sprek also: Here god,
Line: 33
wes my armen sundigen mynschen gnedich. Wan men dat Pater noster singet,
Line: 34
so sta vp. Wan dat vte is, so legge dij ouer de bank. Wan de prester singet:
Line: 35
Pax domini sit semper vobiscum, so sta vp. Wan men singet Agnus dei erst,
Line: 36
so val vppe dyne kne, so sta wedder up; to deme anderen male do auer also,
Line: 37
vnde to deme dridden male do auer also. Dar na nem de Pece, de ne schaltu
Line: 38
nicht vorsman van neynem mynschen. De Pece de gift de prester van deme altare
Page: 99
Line: 1
to eme orkunde, dat alle de jenne, de dar gesamnet syn, scholen deilhaftich
Line: 2
wesen des hlilgen sacramentes, dat de prester dar nemet vor vns allen. Wan de
Line: 3
prester nemet dat hilge sacrament ouer deme altare, so nemet dat ock alle
Line: 4
geystlike lude, de dar jegenwardich syn, myt gantzer leue to gode vnde myt
Line: 5
warer ruwe erer sunde. Wan du dat sust, dat de prester dat hilge sacrament
Line: 6
nuttet, so vall vppe dyne kne vnde bidde vnsen leuen heren, dat he dij des ock
Line: 7
werdich make, vnde sprek dijt beth:
Line: 8
O benedide hemelsche godes sone Ihesu Crist,
Line: 9
Wente du dat wunnichlike leuendige brot bist,
Line: 10
Dat van deme hemelricke hir neder quam,
Line: 11
Make my werdich dynes hilgen licham.
Line: 12
Help my, dat he ewichliken myt my bliue,
Line: 13
Dat ik en myt mynen sunden nummer mer van my driue,
Line: 14
Dat he my to troste kome in alle myner nod
Line: 15
Vnde beware my vor deme ewigen dot.
Line: 16
Dit sulue bet schaltu ock spreken, wan du to godes dissche geyst. Wan de mysse
Line: 17
vte ys, so val vppe dyne kne vnde vntfa de segeninge. Wan du kumst to der
Line: 18
Vespere vnde de prester singet: Deus in adiutorium meum intende, so sla vor
Line: 19
dijk dat teken des hilgen cruces. Dat sulue schaltu don also dicke, also de prester
Line: 20
dat sprikt to allen tiden vnde also dicke, alse men singet: Gloria patri et filio
Line: 21
et spiritui sancto, so val vppe dyne kne. Wan men de salmen leset, so machstu
Line: 22
liggen ouer de bank, edder du machst sitten, oftu wult. Wan men den Ymnus
Line: 23
singet, so machstu liggen ouer de bank, oftu wult, edder stan; so ne machstu
Line: 24
nicht sitten. Wan men den Magnificat singet, so schaltu stan, wente dat ys de
Line: 25
louesangk vnser leuen fruwen Sunte Marien. Den sang se an der tijd, do se
Line: 26
vnsen leuen heren vntfangen hadde vnde se ere leuen modderen Vern Elzeben
Line: 27
myt armen vmme beuengk vnde Sunte Johannes in syner moder Iyue
Line: 28
spelede vnde sprank tegen synen schepper. Wat de Magnificat bedudet, dat
Line: 29
vindestu in der anderen vrauden vnser leuen fruwen. -- Wan men den nachtsangk
Line: 30
singet, so schaltu sitten edder liggen ouer de bank. De wile, dat men de
Line: 31
salmen leset, wan men singet: Nunc dimittis, so schaltu stan. Dat is de louesangk,
Line: 32
den Her Symon sangk, do he vnsen leuen heren in syne arme vntfengk, do
Line: 33
vnse leue fruwe in kerken genk. Wat de Nunc dimittis bedudet, dat vindestu
Line: 34
in der veften vreude vnser leuen fruwen. -- Wan men de mettene singet, so
Line: 35
schaltu stan, also lange, wente dat Venite vte is. Wan men de salmen leset, so
Line: 36
machstu sitten, oftu wult, edder liggen ouer de bank. Wan men dat Pater
Page: 100
Line: 1
noster sprekt vor der Lectien, so schaltu vpstan. De wile, dat men de Lectien
Line: 2
lest, so machstu sitten edder liggen ouer de bank, oftu wult. Suwan men de
Line: 3
Omelien lest, so schaltu stan also lange, bijt men secht: Et reliqua. Wan men
Line: 4
singet: Te deum laudamus, so ne schaltu nicht enwech ghan. So schaltu vpstan,
Line: 5
wente dat ys eyn sere ynnich louesangk vnde eyn hoge beth, dat gode wol
Line: 6
behaget. Dar van wil ik dij eyn bilde seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.