TITUS
Alexanderroman (Der Grosse Seelentrost): Part No. 108
Subchapter: 32h._3._Exempel_zu_Salve_regina
32h. 3. Exempel zu Salve regina
Line: 12
Dat weren fruwen in eyneme clostere, de hadden schone korn vp dem velde
Line: 13
stan. Do quam eyn grot hagel vnde donre vnde reghen. Do gengen de fruwen
Line: 14
in de kerken vnde sungen Salue regina vnde beden vnse leuen fruwen, dat se
Line: 15
ere korn bewarede vor deme hagele. Dar geschach eyn grot wunder: Alle dat
Line: 16
korn in deme lande dat wart toslagen, vnde des closters korn bleff vngeslagen.
Line: 17
Dat quam van deme Salue regina.
Line: 18
Nu wil ik dij dat Salue regina beduden:
Line: 19
Salue regina misericordie: Ghegrotet sistu, konningynne der barmherticheit.
Line: 20
Du bist dat leuent, du bist de soticheit vnde vnse trost, gegrotet sistu. To dij
Line: 21
rope wij elenden Euen kindere. To dij suchte wij vnde wenen in desseme dale
Line: 22
der trane. Eya, darumme wes vnse vorsprekerynne vnde kere dyne barmhertigen
Line: 23
ogen to vns vnde bewise vns Ihesum, de benediden vrucht dynes liues na desseme
Line: 24
ellende. O du milde, o du barmhertige sote Maria.
Line: 25
Kynt leue, aldus schaltu din bedeken holden, also ik dij geleret hebbe. Wat du
Line: 26
dar bouen beden machst, dat schaltu gerne don. Wan du vnseme heren sproken
Line: 27
heffst, wat du wult, so schaltu dar na spreken vnser leuen fruwen vnde anderen
Line: 28
hilgen.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
