TITUS
Alexanderroman (Der Grosse Seelentrost): Part No. 112
Subchapter: 35._Ein_Raubritter_und_das_Ave_Maria
35. Ein Raubritter und das Ave Maria
Line: 6
Dat was eyn rydder, de hadde eyne borch bij deme gemeynen wege vnde
Line: 7
berouede alle de yenne, de dar vor hen togen. Doch so hadde he yo sunderlike
Line: 8
innicheit to vnser leuen fruwen vnde sprak yo dat Aue Maria. To eyner tijd
Line: 9
toch dar vore eyn begeuen man. Do quemen de solder van der borch vnde
Line: 10
wolden ene berouen. Do sprak he: ʼBringet my to juweme heren, ik schal ene
Line: 11
notliken spreken.ʼ Do brochten se ene to ereme heren. Do sprak de hilge man:
Line: 12
ʼHere, latet al yuwe knapen vor my komen; ik wil yuw wat gudes seggen.ʼ
Line: 13
Do se alle komen weren, do ne was dar ein kemerere nicht. Do sprak de hilge
Line: 14
man: ʼDen kemerere mote wij yo hebben, wente ik byn dorch synen willen
Line: 15
here komen.ʼ Do newolde jenne nicht komen. Do togen se ene myt gewalt vor
Line: 16
den hilgen man. Dar beghan he to ropene vnde leit sere ouele. Do sprak de
Line: 17
hilge man: ʼIk beswere dij in deme namen vnses heren Ihesu Cristi, dat du
Line: 18
seggest, wij du sijst, vnde war vmme du here komen bist.ʼ Do sprak yenne:
Line: 19
ʼOch leyder, dat mot ik don, vil sere ane mynen dank. Ik byn neyn mynsche,
Line: 20
ik byn eyn duuel vnde byn hen gesant vnde hebbe hir gewesen myt desseme
Line: 21
heren wol verteyn jar vnde scholde eme hebben den hals tobroken. Do sprak
Line: 22
he yo alle dage dat Aue Maria, darumme nemochte ik yo eme in deme dage
Line: 23
nicht don. Hedde he dat enes vnderwegen laten, so scholde ik eme den hals
Line: 24
tobroken hebben.ʼ Do dat de rydder horde, do vel he yeme guden
Line: 25
manne to vote vnde bat gnade, vnde de vient vor en wech, vnde de
Line: 26
rydder wart darna eyn ghut man. -- Kint leue, darumme schaltu gerne
Line: 27
spreken dat Aue Maria.
Copyright
TITUS Project
Frankfurt a/M 1999-2000. No parts of this document may be republished in any form without prior permission by the copyright holder.
