TITUS
Alexanderroman (Der Grosse Seelentrost): Part No. 123

Chapter: DAS_VIERTE_GEBOT 

DAS VIERTE GEBOT


Page: 126 
Line: 1 
    Vader leue, ik bidde dij dorch vnsen heren god, lere my welk ys dat verde bot.
Line: 2 
    Kint leue, dat wil ik gerne leren dij, vppe dat du gode biddest vor my. Dat
Line: 3 
    verde bot sprekt also: Mynsche, du schalt eren dynen vader vnde dyne moder.
Line: 4 
    Dijt schaltu tho dem ersten male aldus vornemen: Du schalt en horsam wesen
Line: 5 
    vnde schalt en denen myt vlite. Du schalt se vruchten vnde neschalt se myt
Line: 6 
    neynen dingen bedrouen. God hadde geboden in der olden e, wan eyn man
Line: 7 
    eyn kint hadde, dat eme vnhorich was vnde wedderstreuich, dat brochte he
Line: 8 
    vor gerichte vnde clagede ouer em; dat kint mosteme stenen. Do dodede
Line: 9 
    men de vnhorsamen kindere in deme lichamme. Nu dodet sijk eyn vnhorsarn
Line: 10 
    kint in der sele, wente welk kint syne elderen bedrouet vnde en vnhorsam is
Line: 11 
    an billeken dingen, dat beget houet sunde vnde dodet sine sele. Dar van wil ik
Line: 12 
    dij eyn bilde seggen:


Subchapter: 1._Bestrafung_einer_verstockten_Tochter 

1. Bestrafung einer verstockten Tochter


Line: 13 
    Dat was eyn junckfruwe, de plach ere moder dicke to bedrouene vnde was
Line: 14 
    dar bij so hardes synnes, dat se de moder nicht bidden wolde, dat se dat er
Line: 15 
    vorgeue. De dochter wart sek vnde bichtede. De preister reid er, dat se de
Line: 16 
    moder bidden scholde, dat se yd er vorgeue, dat se se dicke bedrouet hedde.
Line: 17 
    Se sprak, se nemochte se nicht bidden. Also starff se vnde wart begrauen. Des
Line: 18 
    nachtes scholde de prester in de kerken ghan vnde horde eyne yamerlike
Line: 19 
    stemme scrigen: ʼO wij vnde owe, dat ik yuw geboren wart!ʼ Do vragede de
Line: 20 
    prester, wat dar were. Se sprak: ʼIk byn der junckfruwen sele. Vmme dat ik
Line: 21 
    myne moder dicke bedrouede vnde se nicht bidden wolde, er ik starff, darumme
Line: 22 
    byn ik yummer mer vorlorn.ʼ -- Kint leue, lat dij dijt eyn lere wesen vnde
Line: 23 
    bedroue dyne elderen nicht. Noch wil ik dij eyn ander seggen van Absalon,
Line: 24 
    de synen vader, konningk Dauite, bedrouede. Dat nam eme eynen bosen ende.




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.