Dat was eyn quad moder, de helt ere dochter darto, dat se myt eyme
Line: 2
prestere bosheit dede. De dochter starff. Des suluen dages quemen dar in dat
Line: 3
dorp twe brodere, de slepen des nachtes in eyme huß, dat stunt vppe deme
Line: 4
kerkhoue. To der mydder nacht do stonden se vp vnde lesen ere mettene.
Line: 5
Do segen se, dat dar quam lopen eyn swart bere, de brommede vresliken vnde
Line: 6
leip den kerkhoff al vmme. To lest quam he to eyme graue, dat groff he vp
Line: 7
myt synen clauwen vnde nam dar vt eynen doden vnde droch ene en wech.
Line: 8
Do he ouer den tun sprank, dar bleff dat laken hangene, dar de dode mede
Line: 9
bewunnen was. Des morgens quam eyn fruwe ghan vp den kerkhoff vnde
Line: 10
wenede sere. Do vrageden er de brodere, warumme se so sere wenede. Se
Line: 11
sprak: ʼIk bewene myne leuen dochter, de gisteren to der erden bestadet wart.ʼ
Line: 12
Do vrageden se: ʼWat mynschen was juwe dochterʼʼ Se sprak: ʼMyn leue
Line: 13
dochter was hir myt vnseme kerkheren vnde was al synes dinges weldich;
Line: 14
des genod ik vele, nu nehebbe ik nicht.ʼ Do wiseden se er dat laken vnde
Line: 15
vrageden er, oft se dat icht bekande. Do sprak se: ʼYa, in desseme lakene was
Line: 16
myn leue dochter begrauen.ʼ Do ledden se se to deme graue, dar ne funden se
Line: 17
den licham nicht. Do spreken se: ʼFruwe, gij ne hebben juwe dochter nicht
Line: 18
wol geleret. Wij segen dat to nacht, dat eyn brummende bere quam vnde
Line: 19
droch se en wech.ʼ -- Kint leue, lat dij dijt eyn lere sin vnde nevolge dynen
Line: 20
elderen nicht to bosen dingen. Noch wil ik dij eyn ander seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
