Dat was eyn prester vnde eyn fruwe, de hadden to samne geseten mannich
Line: 22
jar vnde hadden twe sone. Den duchte des, dat er vader vnde er moder eyn
Line: 23
bose leuent hedden, vnde en wolden en nicht volgen. De eyne wart eyn baruet
Line: 24
broder, de andere wart eyn predeker broder. Se vndermaneden dicke den vader
Line: 25
vnde ere moder, dat se afflaten scholden; de moder newolde van deme heren
Line: 26
nicht laten. Dat geschach, dat de moder starff. Dat vornemen de sone twe
Line: 27
vnde quemen dar. Des nachtes seten se in der kerken bij deme like vnde lesen
Line: 28
den salter. Do yd quam an de mydder nacht, do quam dar eyn vnde stotte
Line: 29
an de dore, dat al de kerke wagede. De brodere worden sere vorveret. Do
Line: 30
statte he noch eyns. To dem dridden male stotte he, dat de dore vte den haken
Line: 31
vor. Do quam dar in ghan eyn swart morman, de genk to der bare vnde warp
Line: 32
den licham van der bare. Tohant wart de licham gewandelet in eyn swart pert.
Line: 33
Dar toch he vt syner tasschen ver hoff yserne vnde sloch se er vp de houe
Line: 34
vnde sat dar vp vnde red vt der kerken. Do vortegen se eres lesendes vnde
Page: 134
Line: 1
gingen hen to ereme vadere vnde segeden eme, wat se geseen hedden, vnde
Line: 2
gengen wedder in er kloster vnde newolden eme dar na nicht mer volgen.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
